ഭീമ കൊറേഗാവ് കേസ്: സ്റ്റാന് സ്വാമിയെ കുടുക്കിയതാണെന്ന് അമേരിക്കന് ഫോറന്സിക് സ്ഥാപനം
ന്യൂഡല്ഹി: ഭീമ കൊറെഗാവ് കേസില് മനുഷ്യാവകാശ പ്രവര്ത്തകന് ഫാദര് സ്റ്റാന് സ്വാമിയെ കുടുക്കിയതാണെന്ന വാദവുമായി അമേരിക്കന് ഫോറന്സിക് സ്ഥാപനം. ആഴ്സണല് കണ്സല്ട്ടിങ് ആണ് ഇതുസംബന്ധിച്ച റിപ്പോര്ട്ട് പുറത്തുവിട്ടത്. കേസില് കുടുക്കാനായി ഫാ. സ്റ്റാന് സ്വാമിയുടെ ലാപ്ടോപ്പില് ഹാക്കിങിലൂടെ രേഖകള് സ്ഥാപിച്ചുവെന്നാണ് ആരോപണം. ഈ രേഖകള് എന്ഐഎ കുറ്റപത്രത്തില് എഴുതിച്ചേര്ത്തുവെന്നും റിപ്പോര്ട്ടില് പറയുന്നു.
‘മാവോവാദികളുടെ കത്തുകള് എന്ന നിലയില് പ്രചരിപ്പിച്ചവയടക്കം 44 രേഖകളാണ് ലാപ്ടോപ്പില് സ്ഥാപിച്ചത്. 2014 മുതല് 2019 ജൂണ് 11 വരെ ഹാക്കിങ് നടന്നു’ – അമേരിക്കന് ഫോറന്സിക് സ്ഥാപനം ആരോപിക്കുന്നു.
തലേന്ന് രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്
ആരാണ് ഹാക്ക് ചെയ്തത് എന്ന് കണ്ടെത്താതിരിക്കാനും ഹാക്കര്മാര് ശ്രമിച്ചിട്ടുണ്ട്. ജൂണ് 12നാണ് പുനെ പോലീസ് സ്റ്റാന് സ്വാമിയുടെ ലാപ്ടോപ്പ് കസ്റ്റഡിയില് എടുത്തത്. കേസില് പ്രതിചേര്ക്കപ്പെട്ട റോണ വില്സിന്റേയും സുരേന്ദ്ര ഗാഡ്ലിങിന്റേയും ലാപ്ടോപ്പുകളില് ഹാക്കിങ് നടന്നതായും കണ്ടെത്തിയിരുന്നു. മൂന്ന് പേരുടേയും ലാപ്ടോപ്പ് ഹാക്ക് ചെയ്തത് ഒരാളാണെന്നും അമേരിക്കന് സ്ഥാപനത്തിന്റെ റിപ്പോര്ട്ടില് പറയുന്നു.