KSDLIVENEWS

Real news for everyone

അസമില്‍ കോണ്‍ഗ്രസ്​ എം.എല്‍.എ രാജിവെച്ചു; അടുത്തയാഴ്​ച ബി.ജെ.പിയില്‍ ചേരും

SHARE THIS ON

ഗുവാഹത്തി: അസമിൽ കോൺഗ്രസിന്​ തിരിച്ചടിയേറ്റതിന്​ പിന്നാലെ പാർട്ടി എം.എൽ.എമാരിലൊരാൾ രാജിവെച്ചു. രുപജ്യോതി കുർമിയാണ്​ രാജി സമർപ്പിച്ചത്​. മാരിനി സീറ്റിൽ നിന്നും തുടർച്ചയായ നാലം തവണയാണ്​ അവർ വിജയിച്ചത്​. രണ്ടാംനിര നേതാക്കളുടെ അഭിപ്രായങ്ങൾ കേൾക്കുന്നതിൽ കോൺഗ്രസ്​ ഹൈക്കമാൻഡ്​ പരാജയപ്പെട്ടുവെന്ന്​ ആരോപിച്ചാണ്​ രാജി. തിങ്കളാഴ്​ച ബി.ജെ.പിയിൽ ചേരുമെന്നും അവർ അറിയിച്ചു. സ്​പീക്കർ ബിശ്വജിത്ത്​ ഡെയ്​മറിന്​ അവർ രാജി സമർപ്പിച്ചു. കോൺഗ്രസിൽ നിന്ന്​ കൂറുമാറി ബി.ജെ.പി​യിലേക്ക്​ പോയ നേതാക്കൾക്കൊപ്പമെത്തിയാണ്​ അവർ രാജി സമർപ്പിച്ചത്​. പാർലമെൻററികാര്യ മന്ത്രി പിയുഷ്​ ഹസാരികയും മുഖ്യമന്ത്രി ഹിമന്ത ബിശ്വ ശർമ്മയുടെ പൊളിറ്റിക്കൽ സെക്രട്ടറി ജയന്ത മല്ലയും അവർക്കൊപ്പമുണ്ടായിരുന്നു. പ്രതിപക്ഷ നേതൃസ്ഥാനം തനിക്ക്​ നൽകാമെന്ന്​ പാർട്ടി അറിയിച്ചെങ്കിലും പിന്നീട്​ ഇത്​ നിഷേധിച്ചു. സംസ്ഥാന അധ്യക്ഷ പദവി ആവശ്യപ്പെ​ട്ടെങ്കിലും അതും പാർട്ടി തന്നില്ല. നിയമസഭയിലെ പബ്ലിക്​ അക്കൗണ്ട്​സ്​ കമ്മിറ്റിയിലും ഉൾപ്പെടുത്തിയില്ല. ഹിമന്ത്​ ബിശ്വ ശർമ്മയുടെ വികസന നയത്തിൽ തനിക്ക്​ വിശ്വാസമുണ്ട്​. അദ്ദേഹത്തിനൊപ്പം ചേർന്ന്​ സംസ്ഥാന വികസന പ്രവർത്തനങ്ങളിൽ പങ്കാളിയാകാൻ കഴിയുമെന്നാണ്​ പ്രതീക്ഷയെന്നും അവർ കൂട്ടിച്ചേർത്തു.

Leave a Reply

Your email address will not be published. Required fields are marked *

error: Content is protected !!