പരസ്യപ്രസ്താവന നടത്തി തലവേദനയുണ്ടാക്കരുത്, നേതാകൾ പരസ്യ പ്രസ്താവന നടത്തരുത് പ്രസിഡന്റ് എന്ന നിലയിൽ ആവശ്യപ്പെടുന്നു: സണ്ണി ജോസഫ്
തിരുവനന്തപുരം: കോൺഗ്രസ് നേതാക്കൾ പരസ്യപ്രസ്താവന നടത്തി തലവേദനയുണ്ടാക്കരുതെന്ന് കെപിസിസി പ്രസിഡന്റ് സണ്ണി ജോസഫ്. അണികളെ പിന്തുണക്കുന്നതിന് പകരം തലവേദന ഉണ്ടാക്കരുത്. നേതാകൾ പരസ്യ പ്രസ്താവന നടത്തരുത്. പ്രസിഡന്റ് എന്ന നിലയിൽ ആവശ്യപ്പെടുന്നു. പാർട്ടി വേദികളിൽ അഭിപ്രായം പറയാം. ഇത് എല്ലാവർക്കും ബാധകമാണ്.
വിവാദ പ്രസ്താവനകളിൽ നിന്നും ഒഴിഞ്ഞ് നിൽക്കണം. പരിധി വിട്ടതുകൊണ്ടാണ് പരസ്യമായി പറയുന്നതെന്നും സണ്ണി ജോസഫ് വാർത്താസമ്മേളനത്തിൽ വ്യക്തമാക്കി. വിലക്ക് എല്ലാവര്‍ക്കും ബാധകമാണെന്നും സണ്ണി ജോസഫ് പറഞ്ഞു. സര്‍ക്കാര്‍ കൈക്കൊണ്ടിട്ടുള്ളത് പ്രായോഗിക തീരുമാനങ്ങളാണ്. മാസപ്പടി കേസ് ഇല്ലാതാക്കാനല്ല സര്‍ക്കാര്‍ ശ്രമിച്ചത്. ആലോചിച്ച് എടുത്ത പക്വതയാര്‍ന്ന തീരുമാനമാണ് അത്. സര്‍ക്കാര്‍ നിലപാടിൽ സിപിഎം ആണ് പെട്ടതെന്നും സണ്ണി ജോസഫ് ചൂണ്ടിക്കാട്ടി.
വൈദ്യുതി പ്രതിസന്ധിയുടെ യഥാർത്ഥ കാരണക്കാർ എൽഡിഎഫ് ഗവൺമെന്റ് ആണ്. വിലകൂടിയ വൈദ്യുതിയാണ് വാങ്ങിക്കുന്നത്. 14.50 രൂപയ്ക്കാണ് വൈദ്യുതി വാങ്ങുന്നത്. അഴിമതിക്ക് ഇടം കൊടുക്കാതെ ഹിമാചൽ പ്രദേശ് ഗവൺമെന്റിനോടാണ് വാങ്ങുന്നത്. രണ്ട് ഗവൺമെന്റ് തമ്മിലുള്ള ഇടപാടാണ്. ഇതിന് മറ്റ് ഏജൻസികളോ കമ്മീഷനോ ഇല്ല. നിലവിൽ വൈദ്യുതി നിരക്ക് വർധിപ്പിക്കാൻ തീരുമാനിച്ചിട്ടില്ലെന്നും സണ്ണി ജോസഫ് അറിയിച്ചു. വഖഫ് ബോർഡുമായി ബന്ധപ്പെട്ട കാന്തപുരത്തിന്റെ പരാതികൾ ഒന്നും ലഭിച്ചിട്ടില്ലെന്നും അദ്ദേഹം പറഞ്ഞു.