നടിയെ അക്രമിച്ച കേസ് ; സ്പെഷ്യൽ പ്രോസിക്യൂട്ടർ രാജിവെച്ചു
കൊച്ചി: നടിയെ ആക്രമിച്ച കേസിലെ സ്പെഷ്യല് പ്രോസിക്യൂട്ടര് രാജിവെച്ചു. ഇക്കാര്യം സംസ്ഥാന സര്ക്കാരിനെ അറിയിച്ചു. വിചാരണ നടപടികള് തുടങ്ങിയ ഇന്ന് സ്പെഷ്യല് പ്രോസിക്യൂട്ടര് കോടതിയില് ഹാജരായില്ല. നടിയെ ആക്രമിച്ച കേസ് 26ന് പരിഗണിക്കും.
വിചാരണക്കോടതി പക്ഷപാതിത്വം കാണിക്കുന്നെന്നും തെളിവുകള് രേഖപ്പെടുത്തുന്നില്ലെന്നും ആരോപിച്ച് പ്രോസിക്യൂഷന് ഹൈക്കോടതിയെ സമീപിച്ചതോടെ ആഴ്ചകളായി വിസ്താര നടപടികള് മുടങ്ങിക്കിടക്കുകയായിരുന്നു. കോടതിമാറ്റണമെന്നാവശ്യപ്പെട്ട് പ്രോസിക്യൂഷനും ആക്രമണത്തിനിരയായ നടിയും സമര്പ്പിച്ച ഹര്ജി ഹൈക്കോടതി കഴിഞ്ഞ ദിവസം തളളിയിരുന്നു. ഹൈക്കോടതി ഉത്തരവിനെതിരെ സുപ്രീംകോടതിയെ സമീപിക്കാനുളള നീക്കത്തിലാണ് സംസ്ഥാന സര്ക്കാര്.