കോവിഡ് വൈറസിനെതിരെ ഓക്സ്ഫോർഡ് വാക്സിൻ മികച്ച പ്രതിരോധം തീർക്കും , ലഭിക്കുന്നത് മികച്ച റിസൾട്ട് ലോകത്തിന് പ്രതീക്ഷയായി പുതിയ പഠനം
ലണ്ടന്‍ : ഓക്സ്ഫോര്ഡ് യൂണിവേഴ്‌സിറ്റിയും ആസ്ട്രാസെനേക്ക മരുന്നുകമ്ബനിയും ചേര്‍ന്ന് വികസിപ്പിച്ച കൊവിഡ് വാക്സിന് മികച്ച ഫലം നല്‍കുമെന്ന അവകാശവാദവുമായി പുതിയ പഠനറിപ്പോര്‍ട്ട്. വാക്‌സിന്റെ മൂന്നാം ഘട്ട പരീക്ഷണം നടന്നുവരുമ്ബോഴാണ് പുതിയ പഠനറിപ്പോര്‍ട്ട് പുറത്തുവന്നിരിക്കുന്നത്.ബ്രിസ്റ്റള്‍ യൂണിവേഴ്‌സിറ്റിയില്‍ നിന്നുള്ള ഗവേഷകരാണ് പുതിയ പഠനത്തിന് പിന്നില്‍. കൊവിഡ് വൈറസിനെതിരെ ഓക്സ്ഫോര്ഡ് വാക്സിന് മികച്ച പ്രതിരോധം തീര്‍ക്കുന്നുവെന്നാണ് പഠനത്തിലെ നിഗമനം. പരമ്ബരാഗതമായി വാക്സിന് പ്രവര്‍ത്തിക്കുന്ന രീതിയിലല്ല, ഓക്‌സ്ഫേര്‍ഡ് വാക്സിന് പ്രവര്‍ത്തിക്കുന്നത്. എന്നാല്‍ വളരെ പ്രതീക്ഷ നല്‍കുന്ന ഫലം ആണ് ഇത് നല്‍കുതെന്നും പഠനം ചൂണ്ടിക്കാട്ടുന്നു. പരീക്ഷണത്തിന്റെ ആദ്യഘട്ടങ്ങള്‍ മുതല്‍ തന്നെ മികച്ച ഫലം തന്നെയായിരുന്നു വാക്സിന് നല്‍കിക്കൊണ്ടിരുന്നത്. എന്നാല്‍ ഇതിനിടെ പരീക്ഷണത്തില്‍ പങ്കാളിയായ ഡോക്ടര്‍ മരിച്ചുവെന്ന വാര്‍ത്ത ബ്രസീലില്‍ നിന്ന് വന്നതോടെ ചില വിവാദങ്ങള്‍ ഉയരുകയും ചെയ്തിരുന്നു. ഇദ്ദേഹം വാക്സിന് കുത്തിവയ്ക്കപ്പെട്ടവരില്‍ പെടില്ലെന്നും കൊവിഡ് 19 മൂലമാണ് മരിച്ചതെന്നും പിന്നീട് ബ്രസീലിലെ ആരോഗ്യ വകുപ്പ് വിശദമാക്കുകയും ചെയ്തു.