ക്രിസ്തുമസ് പുതുവത്സര ആഘോഷങ്ങള്; സര്വീസുകള് കൂട്ടി മെട്രോയും വാട്ടര് മെട്രോയും
കൊച്ചി: ക്രിസ്തുമസ് പുതുവത്സര ആഘോഷങ്ങള് പ്രമാണിച്ച് കൂടുതല് സര്വ്വീസുകളൊരുക്കിയും സമയം ക്രമീകരിച്ചും കൊച്ചി മെട്രോ. വൈകുന്നേരങ്ങളിലെ തിരക്കേറിയ സമയത്ത് 10 സര്വ്വീസുകളാണ് അധികമായി ക്രമീകരിച്ചിട്ടുള്ളത്. പുതുവത്സരദിനത്തില് പുലര്ച്ചെ വരേയും സര്വ്വീസ് നടത്തും. വാട്ടര് മെട്രോ ഹൈകോര്ട്ട് – ഫോര്ട്ട് കൊച്ചി റൂട്ടില് 15 മിനിറ്റ് ഇടവിട്ട് സര്വ്വീസ് നടത്തും.
ക്രിസ്തുമസ് പുതുവത്സര ആഘോഷങ്ങള് പ്രമാണിച്ച് കൂടുതല് യാത്രക്കാരെ പ്രതീക്ഷിച്ചുകൊണ്ടാണ് മെട്രോയും വാട്ടര് മെട്രോയും സര്വീസ് ക്രമീകരിച്ചിരിക്കുന്നത്. ജനുവരി 4ാം തീയതിവരെയാണ് മെട്രോ അധിക സര്വീസുകള് നടത്തുക. പുതുവത്സര ദിനത്തില് അവസാന സര്വ്വീസ് തൃപ്പൂണിത്തുറയില് നിന്നും പുലര്ച്ചെ 1.30 നും അലുവയില് നിന്നും 1.45 നും ആയിരിക്കും സര്വീസ് നടത്തുക.
അതേസമയം പുതുവത്സര ആഘോഷങ്ങള് ഏറ്റവും കൂടുതല് നടക്കുന്നത് ഫോര്ട്ട് കൊച്ചിയിലാണ്. ഹൈകോര്ട്ട് – ഫോര്ട്ട് കൊച്ചി റൂട്ടില് 15 മിനിറ്റ് ഇടവിട്ട് സര്വ്വീസ് ഉണ്ടാകും. നേരത്തെ 30 മിനിറ്റ് ഇടവേളകളിലാണ് വാട്ടര് മെട്രോ സര്വീസുകള് നടത്തിയിരുന്നത്.