കാസർഗോഡ് കടൽതീരത്ത് ഉയർന്ന തിരമാലയ്ക്കും കടലാക്രമണത്തിനും സാധ്യത
കാസർഗോഡ് ജില്ലയിൽ കടൽതീരത്ത് ഉയർന്ന തിരമാലയ്ക്കും കടലാക്രമണത്തിനും സാധ്യത വെള്ളിയാഴ്ച രാത്രി 11:30 വരെ കാസര്ഗോഡ് , കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, എന്നീ തീരങ്ങളിലും താഴ്ന്ന പ്രദേശങ്ങളിലും ഉയര്ന്ന തിരമാലയ്ക്കും (1.2 മുതല് 1.8 മീറ്റര് വരെ ഉയരത്തില്) കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം (INCOIS) അറിയിച്ചു. മല്സ്യത്തൊഴിലാളികളും തീരദേശവാസികളും ഈ ദിവസങ്ങളില് ജാഗ്രത പുലര്ത്തുക – 1. ഈ ദിവസങ്ങളില് തീരപ്രദേശത്തിന്റെ താഴ്ന്ന പ്രദേശങ്ങളില് വേലിയേറ്റ സമയത്ത് വെള്ളം കയറാന് സാധ്യതയുണ്ട്. 2. കടലാക്രമണം രൂക്ഷമാകാന് സാധ്യത ഉള്ളതിനാല് തീരമേഖലയില് വള്ളങ്ങളും ബോട്ടുകളും ഇറക്കുന്നത് ഒഴിവാക്കുക. 3. മല്സ്യബന്ധന യാനങ്ങള് (ബോട്ട്, വള്ളം etc) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. 4. ബീച്ചിലേക്കുള്ള വിനോദ സഞ്ചാര യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക. 5. ഉയര്ന്ന തിരമാലകളുള്ളപ്പോള് വള്ളങ്ങളും ബോട്ടുകളും കരക്കടുപ്പിക്കുന്നതും കടലിലേക്ക് ഇറക്കുന്നതും ഒഴിവാക്കുക. 6. ആഴക്കടലില് മല്സ്യബന്ധനം തുടരുന്നതില് കുഴപ്പമില്ല