എൽ.ഡി.എഫ്. മൂന്നാമതും അധികാരത്തിലെത്തുമ്പോൾ യു.ഡി.എഫ്. ബോധംകെടും: കെ.ടി. ജലീൽ
സീതാംഗോളി: സി.പി.എം. ജില്ലാ സമ്മേളനത്തിന്റെ ഭാഗമായി കുമ്പള ഏരിയാ കമ്മിറ്റി സീതാംഗോളിയിൽ സംഘടിപ്പിച്ച ‘വർഗീയവിപത്ത്: പ്രീണനം, പ്രതിരോധം’ സെമിനാർ മുൻ മന്ത്രി കെ.ടി. ജലീൽ ഉദ്ഘാടനംചെയ്തു.
ദേശീയപാതക്കെതിരേ എല്ലാതരം എതിർപ്പും യു.ഡി.എഫും ബി.ജെ.പി.യും ഉയർത്തി. ഇപ്പോൾ ദേശീയപാതവഴി പോകുന്ന ആരും ഇനി യു.ഡി.എഫിന് വോട്ടുചെയ്യില്ല. ഇനി മൂന്നാംതവണയും എൽ.ഡി.എഫ്. അധികാരത്തിൽവരുമ്പോൾ അവർ ബോധംകെട്ടുവീഴും -അദ്ദേഹം പറഞ്ഞു.
ഏരിയാ സെക്രട്ടറി സി.എ. സുബൈർ അധ്യക്ഷനായി. സംസ്ഥാന കമ്മിറ്റി അംഗം സി.എച്ച്. കുഞ്ഞമ്പു എം.എൽ.എ., ജില്ലാ സെക്രട്ടേറിയറ്റംഗം അംഗം കെ.ആർ. ജയാനന്ദ, ജില്ലാ കമ്മിറ്റി അംഗങ്ങളായ പി. രഘുദേവൻ, സി. സുബ്ബണ്ണ ആൾവ, ടി.എം.എ. കരീം എന്നിവർ സംസാരിച്ചു.