ബാലരാമപുരത്തെ രണ്ടര വയസ്സുകാരിയുടെ കൊലപാതകം : കുടുംബവുമായി ബന്ധമുണ്ടായിരുന്ന പൂജാരി അറസ്റ്റില്
തിരുവനന്തപുരം : ബാലരാമപുരത്തെ രണ്ടരവയസ്സുകാരിയുടെ കൊലപാതകകേസില് കുടുംബവുമായി ബന്ധമുണ്ടായിരുന്ന പൂജാരിയെ കസ്റ്റഡിയിലെടുത്തു.
കരിക്കകം സ്വദേശിയായ പൂജാരി ശംഖുമുഖം ദേവീദാസനെയാണ് കസ്റ്റഡിയിലെടുത്തത്.
കൊലപാതകത്തിന് പൂജാരിയുമായി ബന്ധമുണ്ടെന്ന പ്രതിയുടെ മൊഴിയില് വ്യക്തത വരുത്താനാണ് ചോദ്യം ചെയ്യല്. ശ്രീതുവും ഹരികുമാറും ഇയാളുടെ നിർദേശമനുസരിച്ചാണ് പ്രവർത്തിച്ചിരുന്നതെന്നും സൂചനകളുണ്ട്.
അതേസമയം, ശ്രീതുവിനെ കുറ്റവിമുക്തയാക്കിയിട്ടില്ലെന്ന് റൂറല് എസ്.പി കെഎസ് സുദർശൻ പറഞ്ഞു. കേസില് ശ്രീതുവിനെതിരെ ഭർത്താവും ഭർതൃപിതാവും മൊഴി നല്കി. പ്രതിയായ ഹരികുമാറിനെ ചോദ്യം ചെയ്തുകൊണ്ടിരിക്കുകയാണെന്നും ഇരുവരും തമ്മിലുള്ള നഷ്ട്ടമായ വാട്സാപ്പ് സന്ദേശങ്ങള് തിരിച്ചെടുത്ത് അന്വേഷിക്കുമെന്നും എസ്പി പറഞ്ഞു.