സംസ്ഥാന സര്ക്കാരിന്റെ മൂന്നു വര്ഷത്തെ പ്രോഗ്രസ് റിപ്പോര്ട്ട് മുഖ്യമന്ത്രി നാളെ പ്രകാശനം ചെയ്യും
സംസ്ഥാന സർക്കാരിന്റെ മൂന്നു വർഷത്തെ പ്രോഗ്രസ് റിപ്പോർട്ട് മുഖ്യമന്ത്രി പിണറായി വിജയൻ നാളെ പ്രകാശനം ചെയ്യും.
വൈകിട്ട് നാലിന് സെക്രട്ടേറിയറ്റ് വളപ്പില് നടക്കുന്ന ചടങ്ങില് ചീഫ് സെക്രട്ടറി ഡോ. വി. വേണു ഏറ്റുവാങ്ങും. റവന്യൂ മന്ത്രി കെ. രാജൻ അധ്യക്ഷത വഹിക്കും.
സർക്കാർ അധികാരത്തിലെത്തിയ ശേഷം ഓരോ വകുപ്പിലും നടപ്പാക്കിവരുന്ന പദ്ധതികളുടെ വിശദാംശങ്ങളും എത്ര ശതമാനം പൂർത്തീകരിച്ചുവെന്നതുമടക്കം കൃത്യമായ വിവരങ്ങളാണ് പ്രോഗ്രസ് റിപ്പോർട്ടില് ഉള്പ്പെടുത്തിയിട്ടുള്ളത്.
സെക്രട്ടേറിയറ്റ് വളപ്പില് ഒരുക്കുന്ന വേദിയില് നടക്കുന്ന ചടങ്ങില് ചീഫ് സെക്രട്ടറി ഡോ. വി. വേണു സ്വാഗതം ആശംസിക്കും. മന്ത്രിമാരായ റോഷി അഗസ്റ്റിൻ, കെ. കൃഷ്ണൻകുട്ടി, എ.കെ. ശശീന്ദ്രൻ, രാമചന്ദ്രൻ കടന്നപ്പള്ളി, കെ.ബി. ഗണേഷ് കുമാർ തുടങ്ങിയവർ സംസാരിക്കും. മറ്റു മന്ത്രിമാർ സന്നിഹിതരായിരിക്കും. പൊതുഭരണ വകുപ്പ് അഡിഷണല് ചീഫ് സെക്രട്ടറി കെ.ആർ. ജ്യോതിലാല് നന്ദി പ്രഭാഷണം നടത്തും.