പവന്റെ വില 56,000 രൂപയായി; സ്വര്ണ വിലയില് കുതിപ്പ് തുടരുന്നു
സംസ്ഥാനത്ത് സ്വര്ണ വില പവന് 56,000 രൂപയായി. ചൊവാഴ്ച പവന്റെ വിലയില് 160 രൂപയുടെ വര്ധനവാണുണ്ടായത്. ഇതോടെ മൂന്നാഴ്ചക്കിടെ മാത്രം 2640 രൂപ കൂടി. ഒരു പവന് ആഭരണത്തിന് കുറഞ്ഞ പണിക്കൂലിയായ അഞ്ച് ശതമാനവും മൂന്ന് ശതമാനം ജി.എസ്.ടിയും ഹാള്മാര്ക്കിങ് ചെലവും ഉള്പ്പടെ 60,700 രൂപയോളം നല്കേണ്ടിവരും.
ഭൗമരാഷ്ട്രീയ സംഘര്ഷങ്ങളും യുഎസ് ഫെഡിന്റെ നിരക്ക് കുറയ്ക്കലുമൊക്കെയാണ് സ്വര്ണ വിലയെ സ്വാധീനിച്ചത്. സുരക്ഷിത നിക്ഷേപമെന്ന നിലയില് സ്വര്ണത്തിന് ഡിമാന്ഡ് കൂടിയതും യുഎസിലെ പലിശ നിരക്കിലെ കുറവ് മുന്നോട്ടുവെക്കുന്ന ആദായ സാധ്യതയുമൊക്കെയാണ് സ്വര്ണം നേട്ടമാക്കിയത്.
അന്താരാഷ്ട്ര വിപണിയില് ഒരു ട്രോയ് ഔണ്സ് സ്വര്ണത്തിന് 2627 ഡോളര് നിലവാരത്തിലാണ് നിലവില് വ്യാപാരം നടക്കുന്നത്. രാജ്യത്തെ കമ്മോഡിറ്റി വിപണിയായ എംസിഎക്സില് പത്ത് ഗ്രാം സ്വര്ണത്തിന്റെ വില 74,485 നിലവാരത്തിലേക്ക് ഉയര്ന്നു.