ലോകത്തിലെ ഏറ്റവും വലിയ ഈന്തപ്പഴ മേള; ബുറൈദ ഈന്തപ്പഴമേളക്ക് ഗിന്നസ് റെക്കാര്ഡ്
റിയാദ്: ബുറൈദ ഈന്തപ്പഴമേളക്ക് ഗിന്നസ് റെക്കാർഡ്. ലോകത്തിലെ ഏറ്റവും വലിയ ഈന്തപ്പഴ മേള എന്ന അംഗീകാരമാണ് ഗിന്നസ് ബുക്ക് ഓഫ് വേള്ഡ് റെക്കോർഡ്സ് നല്കിയിരിക്കുന്നത്.
ബുറൈദ ഉള്ക്കൊള്ളുന്ന ഖസീം പ്രവിശ്യയുടെ ഗവർണർ ഡോ. ഫൈസല് ബിൻ മിശ്അല് ബിൻ സഉൗദ് ഗിന്നസ് സർട്ടിഫിക്കറ്റ് ഏറ്റുവാങ്ങി.
ഉദ്യോഗസ്ഥർ, മേളയുടെ സുപ്രീം കമ്മിറ്റി അംഗങ്ങള്, കർഷകർ, നിക്ഷേപകർ, ബന്ധപ്പെട്ട കക്ഷികള്, പ്രദേശവാസികള് എന്നിവരുള്പ്പെടെ ഈ നേട്ടം കൈവരിക്കുന്നതില് പങ്കാളികളായ എല്ലാവരെയും ഗവർണർ അഭിനന്ദിച്ചു. ഇത് ഖസിം മേഖലയുടെ സംഘടനാപരമായ കഴിവുകള് പ്രതിഫലിപ്പിക്കുന്നതാണ്. ഇൗത്തപ്പഴ സാമ്ബത്തികശാസ്ത്രം മെച്ചപ്പെടുത്തുന്നതിനും ആഗോള തലത്തില് മേഖലയുടെ ഐഡൻറിറ്റി ഉയർത്തിക്കാട്ടുന്നതിനും സഹായിക്കുകയും ചെയ്യുന്നു. സാമ്ബത്തിക മേള കൂടിയാണ് ബുറൈദ ഈന്തപ്പഴ മേളയെന്നും ഗവർണർ കൂട്ടിച്ചേർത്തു.
സൗദിയിലെ ഏറ്റവും വലിയ ഈന്തപ്പഴ മേളയാണ് ബുറൈദയിലേത്. 1.1 കോടിയിലധികം ഈന്തപ്പനകളില് നിന്നായി മേളയിലെത്തിയ നാല് ലക്ഷം ടണ് ഈന്തപ്പഴമാണ് മേളയില് വിറ്റുപോയത്. ‘വിഷൻ 2030’െൻറ ലക്ഷ്യങ്ങള് കൈവരിക്കുന്നതിന് മേള വലിയ സംഭാവനയാണ് നല്കുന്നത്. ഏറ്റവും അഭിമാനകരമായ ആഗോള സവിശേഷ വിപണികളില് ഒന്നായും ബുറൈദ ഈന്തപ്പഴ മേള കണക്കാക്കപ്പെടുന്നു. മേളയിലെ വിറ്റുവരവ് പ്രതിവർഷം 320 കോടി റിയാലിലേറെയാണ്.
ബുറൈദയിലെ വാർഷിക ഉല്പ്പാദനം രാജ്യത്തെ മൊത്തം ഈത്തപ്പഴ വിളവെടുപ്പിെൻറ 50 ശതമാനമാണ്. 50-ലധികം ഇനം ഈന്തപ്പഴങ്ങള് വിപണനം ചെയ്യുന്നുണ്ട്. കൂടാതെ മേളയോടനുബന്ധിച്ച് 200-ലധികം വിവിധ സാംസ്കാരിക പരിപാടികളും അരങ്ങേറുന്നു. ഇതെല്ലാമാണ് ബുറൈദ ഈന്തപ്പഴ മേളക്ക് ഗിന്നസ് ബുക്ക് ഓഫ് വേള്ഡ് റെക്കോർഡ് നേടിക്കൊടുത്തത്.