മലേഷ്യയിൽ നിന്നും ടൂർ കഴിഞ്ഞ് വരുന്ന വഴി വയനാട് സ്വദേശികൾ സഞ്ചരിച്ച കാർ ബെംഗ്ലുരുവിൽ ലോറിയുമായി കൂട്ടിയിടിച്ചു; മൂന്നുപേർ ഗുരുതരാവസ്ഥയിൽ
ബംഗ്ളൂരു: മലയാളി കുടുംബം സഞ്ചരിച്ച കാർ ലോറിയുമായി കൂട്ടിയിടിച്ച്‌ അപകടം. കർണാടകയിലെ ബേഗൂരില്‍ ഇന്ന് രാവിലെയാണ് അപകടമുണ്ടായത്.
കാറിലുണ്ടായിരുന്ന വയനാട് സ്വദേശികളായ നാലുപേരില്‍ മൂന്നുപേരുടെ നില അതീവ ഗുരുതരമാണ്. ഇവരെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.
വയനാട് സ്വദേശിയാണ് ബഷീറും കുടുംബവുമാണ് അപകടത്തില്‍പ്പെട്ട കാറിലുണ്ടായിരുന്നത്. മലേഷ്യയില്‍ നിന്ന് ടൂർ കഴിഞ്ഞ് തിരികെ നാട്ടിലേക്ക് വരുന്നതിനിടെയായിരുന്നു അപകടം. വയനാട് നിന്നും ഇവരുടെ ബന്ധുക്കളും സുഹൃത്തുക്കളും അപകടസ്ഥലത്തേക്ക് തിരിച്ചിട്ടുണ്ട്.