രാജ്യത്തെ കോവിഡ് ബാധിതരുടെ എണ്ണം 1,02,66,674 ലക്ഷം ആയി ; കോവിഡ് മുക്തരുടെ എണ്ണം 98,60,280 ലക്ഷവും ;
24 മണിക്കൂറിനിടെ 21,821 പേർക്ക് കോവിഡ് സ്ഥിരീകരിച്ചു ; 299 മരണവും

ന്യൂഡല്‍ഹി: രാജ്യത്ത് കോവിഡ് വ്യാപനം കുറയുന്ന പ്രവണത തുടരുന്നു. 24 മണിക്കൂറിനിടെ 21,821 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ മൊത്തം കോവിഡ് ബാധിതരുടെ എണ്ണം 1,02,66,674 ആയി ഉയര്‍ന്നതായി സര്‍ക്കാര്‍ കണക്കുകള്‍ വ്യക്തമാക്കുന്നു.

ഇന്നലെ മാത്രം 299 പേരാണ് വൈറസ് ബാധയെ തുടര്‍ന്ന് മരിച്ചത്. ഇതോടെ മരണസംഖ്യ 1,48,738 ആയി ഉയര്‍ന്നു. ചികിത്സയിലുള്ളത് 2,57,656 പേരാണെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു.

ഇന്നലെ മാത്രം 26,139 പേരാണ് രോഗമുക്തി നേടിയത്. ഇതോടെ രോഗമുക്തി നേടിയവരുടെ ആകെ എണ്ണം 98,60,280 ആയി ഉയര്‍ന്നു. രോഗമുക്തി നിരക്ക് 96 ശതമാനമാണെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു.