രാജ്യത്തെ കോവിഡ് ബാധിതരുടെ എണ്ണം 1,04,66,595 ആയി ; കോവിഡ് മുക്തരുടെ എണ്ണം 1,00,92,909 കടന്നു ;
24 മണിക്കൂറിനിടെ 16,311 പേർക്ക് കോവിഡ് സ്ഥിരീകരിച്ചു ; 161 മരണവും
ന്യൂഡല്ഹി: രാജ്യത്ത് കോവിഡ് വ്യാപനം കുറയുന്ന പ്രവണത തുടരുന്നു. ഇന്നലെ 16,311 പേര്ക്ക് കൂടി കോവിഡ് സ്ഥിരീകരിച്ചു. ഇതോടെ മൊത്തം കോവിഡ് ബാധിതരുടെ എണ്ണം 1,04,66,595 ആയി ഉയര്ന്നതായി സര്ക്കാര് കണക്കുകള് വ്യക്തമാക്കുന്നു.
ഇന്നലെ മാത്രം 161 പേരാണ് കൊറോണ വൈറസ് ബാധയെ തുടര്ന്ന് മരിച്ചത്. ഇതോടെ മരണസംഖ്യ 1,51,160 ആയി ഉയര്ന്നു. നിലവില് 2,22,526 പേരാണ് ചികിത്സയില് കഴിയുന്നതെന്ന് കേന്ദ്ര ആരോഗ്യമന്ത്രാലയം കണക്കുകള് വ്യക്തമാക്കുന്നു.
24 മണിക്കൂറിനിടെ 19,299 പേരാണ് രോഗമുക്തി നേടിയത്. ഇതോടെ മൊത്തം രോഗമുക്തര് 1,00,92,909 ആയി ഉയര്ന്നതായി സര്ക്കാര് കണക്കുകള് വ്യക്തമാക്കുന്നു.