ഇന്ധന വിലയിൽ വീണ്ടും വർധന ; പ്രധാന നഗരങ്ങളിൽ സർവകാല റെക്കോർഡ്

തിരുവനന്തപുരം: തുടര്‍ച്ചയായ നാലാം ദിവസവും രാജ്യത്ത് ഇന്ധന വിലവര്‍ധന. ഇന്ന് പെട്രോള്‍ 25 പൈസയും ഡീസല്‍ 32 പൈസയും കൂടി. രാജ്യത്തെ പ്രധാന നഗരങ്ങളില്‍ ഇന്ധനവില സര്‍വകാല റെക്കോഡില്‍ എത്തി. മുംബൈയില്‍ പെട്രോള്‍ വില 94 രൂപ 50 പൈസ ആയി. ദില്ലിയിലും പെട്രോള്‍ വില സര്‍വകാല റെക്കോഡില്‍ എത്തി. 87 രൂപ 90 പൈസ. ബെംഗളൂരുവില്‍ പെട്രോള്‍ വില 90 രൂപ 85 പൈസയിലെത്തി. തിരുവനന്തപുരം നഗരത്തില്‍ ഇന്ന് പെട്രോള്‍ വില 89 രൂപ 73 പൈസയാണ്. ഡീസല്‍ വില 83 രൂപ 91 പൈസ. കൊച്ചി നഗരത്തില്‍ പെട്രോള്‍ 88 രൂപ 10 പൈസ, ഡീസല്‍ 82 രൂപ 40 പൈസ നിരക്കില്‍ ഇന്ധനം ലഭിക്കും.