മുന്നണികളിൽ മാറ്റംവരും, നിങ്ങൾ ഞെട്ടും-പി.കെ. കുഞ്ഞാലിക്കുട്ടി

കരുമാല്ലൂർ (കൊച്ചി):സംസ്ഥാനത്തെ മുന്നണി സംവിധാനങ്ങളിൽ ഞെട്ടിക്കുന്ന മാറ്റങ്ങൾ അടുത്തദിവസങ്ങളിലുണ്ടാകുമെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി. എൻ.സി.പി.യുടെ മുന്നണിമാറ്റത്തെക്കുറിച്ചുള്ള ചോദ്യത്തിന് മറുപടിയായാണ് കുഞ്ഞാലിക്കുട്ടി ഇക്കാര്യമറിയിച്ചത്.

മാറ്റങ്ങൾ വരുമെന്ന് ഉറപ്പാണെങ്കിലും ഏതൊക്കെ പാർട്ടികൾ യു.ഡി.എഫിലേക്കെത്തുമെന്ന് അദ്ദേഹം വെളിയപ്പെടുത്തിയില്ല. അത് ഉത്തരവാദിത്വപ്പെട്ടവർ അടുത്തദിവസം വെളിപ്പെടുത്തുമെന്നായിരുന്നു മറുപടി.