കേരളത്തിലൊരു വനിതാ മുഖ്യമന്ത്രിയുണ്ടാകണം എന്ന് രാഹുൽ ഗാന്ധി പറഞ്ഞതിൽ വളരെ സന്തോഷമുണ്ടെന്ന് ലതികാ സുഭാഷ്

ഏറ്റുമാനൂർ: കേരളത്തിലൊരു വനിതാ മുഖ്യമന്ത്രിയുണ്ടാകണം എന്ന് രാഹുൽ ഗാന്ധി പറഞ്ഞതിൽ വളരെ സന്തോഷമുണ്ടെന്ന് ലതികാ സുഭാഷ്. ഏറ്റുമാനൂരിൽ തിരഞ്ഞെടുപ്പ് പ്രചാരണ പ്രവർത്തനങ്ങൾക്കിടയിൽ മാതൃഭൂമി ന്യൂസിനോട് സംസാരിക്കുകയായിരുന്നു അവർ.

‘വനിതകൾക്ക് വേണ്ടത്ര പ്രധാന്യം കൊടുക്കണമെന്ന് എഐസിസി നേരത്തെ തന്നെ നിർദ്ദേശിച്ചിരുന്നതാണ്. പക്ഷേ കേരളത്തിലെ നേതാക്കൻമാർക്ക് അത് പാലിക്കാനായില്ല. അവരുടെ കണ്ണ് ഇനിയെങ്കിലും തുറക്കട്ടെയെന്ന് ഞാൻ പ്രാർത്ഥിക്കുകയാണ്. എന്റെ പ്രതികരണത്തിന് ശേഷം കേരളത്തിലെ വ്യത്യസ്ത രാഷ്ട്രീയ പാർട്ടിയിൽപ്പെട്ട മൂന്ന് വനിതകൾക്ക് സ്ഥാനാർഥിത്വം കിട്ടി.’ -ലതിക സുഭാഷ് പറഞ്ഞു.

ഏറ്റുമാനൂരിന്റെ സമഗ്ര വികസനമാണ് തന്റെ ലക്ഷ്യമെന്ന് പറഞ്ഞ ലതിക 32 വർഷം നീണ്ട പൊതുജീവിതത്തിന്റെ പാരമ്പര്യത്തിന്റെ ആത്മവിശ്വാസത്തിലാണ് താനെന്നും കൂട്ടിച്ചേർത്തു.