വി എസ് അച്യുതാനന്ദൻ്റെ ആരോഗ്യ നിലയില് നേരിയ പുരോഗതി
തിരുവനന്തപുരം: സ്വകാര്യ ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രി വി എസ് അച്യുതാനന്ദൻ്റെ ആരോഗ്യ നിലയില് നേരിയ പുരോഗതി. വിദഗ്ദ ഡോക്ടർമാരുടെ സംഘം വിഎസിനെ ചികിത്സിക്കുകയാണ്. ശ്വാസ തടസ്സം മൂലമാണ് ഇന്നലെ രാവിലെ വിഎസിനെ സ്വകാര്യ ആശുപത്രിയിൽ പ്രവേശിപ്പിച്ചത്. സോഡിയം കുറയുന്നതും ഉദരസംബന്ധമായ അസുഖവുമാണ് വിഎസിനെ അലട്ടുന്നത്. തീവ്രപരിചരണ വിഭാഗത്തിലാണ് അദ്ദേഹമിപ്പോൾ.
രാഷ്ട്രീയ രംഗത്ത് നിന്നും വര്ഷങ്ങളായി അവധി എടുത്ത വിഎസ് തിരുവനന്തപുരത്തെ ‘വേലിക്കകത്ത്’ വീട്ടില് വിശ്രമ ജീവിതത്തിലാണ്. രണ്ട് വര്ഷമായി വിഎസ് വീട്ടില് തന്നെ വിശ്രമത്തിലാണ്.
2019 ഒക്ടോബറില് പുന്നപ്ര വയലാര് രക്തസാക്ഷിത്വ ദിനാചരണത്തിന് ശേഷം തിരുവനന്തപുരത്ത് മടങ്ങിയെത്തിയ വി എസ് ആശുപത്രിയില് പ്രവേശിപ്പിക്കപ്പെട്ടു. തുടര്ന്ന് പൂര്ണ്ണ വിശ്രമം ഡോക്ടര്മാര് നിര്ദേശിച്ചതിനാൽ പൊതുപരിപാടികൾ ഒഴിവാക്കുകയായിരുന്നു. കഴിഞ്ഞ എല്ഡിഎഫ് സർക്കാരിൻ്റെ കാലത്ത് ഭരണപരിഷ്കാര കമ്മീഷന് അധ്യക്ഷനായിരുന്ന വിഎസ് 2021 ജനുവരിയില് അത് ഒഴിഞ്ഞിരുന്നു