രാജിക്കത്ത് പിൻവലിച്ചു; ആത്മാര്ത്ഥതയുള്ള കോണ്ഗ്രസ് പ്രവർത്തകനായി തുടരുമെന്ന് നവ്ജോത് സിംഗ് സിദ്ദു
ദില്ലി: പഞ്ചാബ് (Punjab) പിസിസി അധ്യക്ഷ സ്ഥാനത്ത് നിന്ന് രാജിവച്ച തീരുമാനം പിന്വലിച്ച് നവ്ജോത് സിംഗ് സിദ്ദു (Navjot Singh Sidhu). ധാർമ്മിക നിലപാടാണ് സ്വീകരിച്ചത്. ആത്മാര്ത്ഥതയുള്ള കോണ്ഗ്രസ് പ്രവർത്തകനായി തുടരുമെന്നും നവ്ജോത് സിംഗ് സിദ്ദു പറഞ്ഞു. സംസ്ഥാനത്ത് ചില മന്ത്രിമാരെയും അഡ്വക്കേറ്റ് ജനറലിനെയും മാറ്റണമെന്ന് ആവശ്യം നിരസിച്ചതോടെയായിരുന്നു സിദ്ധു രാജി നല്കിയത്. എന്നാല് ലഖിംപൂര് സംഭവത്തോടെ രാഷ്ട്രീയ സാഹചര്യം മാറിയതിനാല് നിലപാട് മയപ്പെടുത്തുകയായിരുന്നു