മഹാരാഷ്ട്രയിലെ താനയിൽ കെട്ടിടം തകര്ന്നു വീണ് എട്ടുപേര് മരിച്ചു
മഹാരാഷ്ട്രയിലെ താനെ മുന്സിപ്പല് കോര്പ്പറേഷന് പരിധിയിലെ ഭിവണ്ഡിയില് മൂന്നു നില കെട്ടിടം തകര്ന്നു വീണ് എട്ടുപേര് മരിച്ചു. നിരവധി പേര്ക്ക് പരുക്കേറ്റിട്ടുണ്ട്. ഇന്ന് പുലര്ച്ചെയാണ് അപകടമുണ്ടായത്. ഒരു കുട്ടിയുള്പ്പെടെ 25 പേരെ രക്ഷപ്പെടുത്തിയതായി താനെ മുന്സിപ്പല് കോര്പ്പറേഷന് ഉദ്യോഗസ്ഥനെ ഉദ്ധരിച്ച് വാര്ത്താ ഏജന്സി റിപ്പോര്ട്ട് ചെയ്തു.
കൂടുതല് പേര് അവശിഷ്ടങ്ങളില് കുടുങ്ങിക്കിടക്കുന്നതായി സംശയിക്കുന്നുണ്ട്. ദേശീയ ദുരന്ത പ്രതികരണ സേന (എന് ഡി ആര് എഫ്)യുടെ നേതൃത്വത്തില് രക്ഷാപ്രവര്ത്തനം നടന്നുവരികയാണ്.