ഇറച്ചിവെട്ട് യന്ത്രത്തില് സ്വര്ണക്കടത്ത്: സിനിമാനിര്മാതാവ് സിറാജുദ്ദീന് പിടിയില്
കൊച്ചി: തൃക്കാക്കര സ്വര്ണക്കടത്ത് കേസില് സിനിമാ നിര്മാതാവ് കെ.പി. സിറാജുദ്ദീന് കസ്റ്റംസിന്റെ പിടിയിലായി. ഇറച്ചിവെട്ട് യന്ത്രത്തില് സ്വര്ണം കടത്തിയ കേസിലാണ് സിറാജുദ്ദീന് പിടിയിലായത്. സംഭവത്തില് തൃക്കാക്കര നഗരസഭാ വൈസ് ചെയര്മാന്റെ മകന് അടക്കം നേരത്തെ അറസ്റ്റിലായിരുന്നു.
ഏപ്രില് രണ്ടിനാണ് നെടുമ്പാശ്ശേരി വിമാനത്താവളത്തില് കാര്ഗോയായില് വന്ന ഇറച്ചിവെട്ട് യന്ത്രത്തില്നിന്ന് രണ്ടരക്കിലോ സ്വര്ണം കസ്റ്റംസ് പിടികൂടിയത്. കേസ് അന്വേഷണത്തിന്റെ ഭാഗമായി തൃക്കാക്കര നഗരസഭാ വൈസ് ചെയര്മാന് ഇബ്രാഹിംകുട്ടിയുടെ മകന് ഷാബിന് അടക്കം മൂന്നുപേരെ കസ്റ്റംസ് അറസ്റ്റ് ചെയ്തിരുന്നു