പ്രവാചകനിന്ദാ പരാമർശം: നൂപുര് ശര്മയുടെ അറസ്റ്റ് താല്കാലികമായി തടഞ്ഞ് സുപ്രീം കോടതി
ന്യൂഡല്ഹി: പ്രവാചകനിന്ദാ വിഷയത്തില് രജിസ്റ്റര് ചെയ്ത കേസുകളില് ബി.ജെ.പി. മുന്വക്താവ് നൂപുര് ശര്മയുടെ അറസ്റ്റ് സുപ്രീം കോടതി താല്കാലികമായി തടഞ്ഞു.
അറസ്റ്റ് തടയണമെന്നും വിഷയത്തില്, രാജ്യത്തിന്റെ പലഭാഗത്തായി തനിക്കെതിരെ രജിസ്റ്റര് ചെയ്തിരിക്കുന്ന എഫ്.ഐ.ആറുകള് ഒന്നായി പരിഗണിക്കണമെന്നും ആവശ്യപ്പെട്ടാണ് നൂപുര് സുപ്രീം കോടതിയെ സമീപിച്ചത്. ഹര്ജിയില് അടുത്തവാദം കേള്ക്കുന്നതുവരെ നൂപുറിനെ അറസ്റ്റ് ചെയ്യരുതെന്ന് കോടതി നിര്ദേശിക്കുകയായിരുന്നു.
നൂപുറിനെതിരേ രജിസ്റ്റര് ചെയ്തിരിക്കുന്ന എഫ്.ഐ.ആറുകള് ഒന്നാക്കുന്നതില് അഭിപ്രായം അറിയിക്കാന് വിവിധ സംസ്ഥാനങ്ങളോട് കോടതി നിര്ദേശിച്ചു. ഡല്ഹി, കര്ണാടക, തെലങ്കാന, പശ്ചിമ ബംഗാള്, കര്ണാടക, ഉത്തര് പ്രദേശ്, ജമ്മു കശ്മീര്, അസം എന്നീ സംസ്ഥാനങ്ങളോടാണ് സുപ്രീം കോടതി അഭിപ്രായം ആരാഞ്ഞിരിക്കുന്നത്.