വയനാട്ടില് വിദ്യാര്ഥിനിക്ക് തെരുവുനായയുടെ കടിയേറ്റു; മുഖത്തും തുടയിലും മുറിവ്
കല്പറ്റ: വയനാട് പടിഞ്ഞാറത്തറയില് വിദ്യാര്ഥിനിക്ക് തെരുവുനായയുടെ കടിയേറ്റു. മാടത്തുപാറ ആദിവാസി കോളനിയിലെ സുമിത്രയ്ക്കാണ് കടിയേറ്റത്. ഇന്ന് ഉച്ചയ്ക്ക് ശേഷം മൂന്ന് മണിയോടെയായിരുന്നു സംഭവം.
സഹോദരിക്കൊപ്പം വയലില് ആടിനെ അഴിക്കാന് പോയപ്പോഴാണ് സുമിത്രയെ തെരുവുനായ ആക്രമിച്ചത്. മുഖത്തും തുടയിലും കടിയേറ്റ സുമിത്രയെ കല്പ്പറ്റ സര്ക്കാര് ആശുപത്രിയില് പ്രവേശിപ്പിച്ചു. തരിയോട് സ്കൂളിലെ ഒമ്പതാം ക്ലാസ് വിദ്യാര്ഥിനിയാണ് സുമിത്ര.