മടങ്ങിവരൂ നേതാവേ; ഷാഫി പറമ്പിലിനെ നാട്ടിലെത്തിക്കണമെന്ന് ആവശ്യം, അഖിലേന്ത്യാ നേതൃത്വത്തിന് പരാതി പ്രവാഹം
കോട്ടയം: ഖത്തറില് ലോകകപ്പ് കാണാനായി പോയ യൂത്ത് കോണ്ഗ്രസ് സംസ്ഥാന അധ്യക്ഷനെ അടിയന്തരമായി നാട്ടിലെത്തിക്കണമെന്നാവശ്യപ്പെട്ട് അഖിലേന്ത്യാ നേതൃത്വത്തിന് പരാതി പ്രവാഹം. രണ്ട് സംസ്ഥാന കമ്മിറ്റി അംഗങ്ങളള് ഉള്പ്പെടെ ജില്ലകളില് നിന്നായി ഇരുപതോളം പരാതികളാണ് ഷാഫി പറമ്ബിലിനെതിരെ ദേശീയ നേതൃത്വത്തിന് മുന്നിലെത്തിയിരിക്കുന്നത്. സര്ക്കാരിനെതിരെ സമരം ചെയ്ത് പ്രവര്ത്തകര് ജയിലില് കഴിയുമ്ബോള് പ്രസിഡന്റ് ഖത്തറില് ഉല്ലാസയാത്ര നടത്തുകയാണെന്നാണ് പരാതികളുടെയെല്ലാം പറയുന്നത്.
അര്ജന്റീനയുടെ കളി കാണാന് ഖത്തറിലെ ലോകകപ്പ് വേദിയില് നില്ക്കുന്ന ഷാഫി പറമ്ബില്. സംസ്ഥാന പ്രസിഡന്റ് ഖത്തറില് ലോകകപ്പ് ആഘോഷിക്കുമ്ബോള് ഒരു കൂട്ടം പ്രവര്ത്തകര് തിരുവനന്തപുരം നഗരസഭയിലെ നിയമന വിവാദത്തിന്റെ പേരില് സമരം ചെയ്ത് പോലീസിന്റെ തല്ലു വാങ്ങുകയായിരുന്നു. തുടര്ന്ന് ഇവര് പതിനാല് ദിവസത്തേക്ക് റിമാന്ഡിലുമായി. പ്രവര്ത്തകര് സമരം ചെയ്യുമ്ബോഴും നേതാവ് ഉല്ലാസയാത്ര നടത്തുകയാണെന്നാണ് യൂത്ത് കോണ്ഗ്രസുകാരുടെ പരാതി.
കോഴിക്കോട് ശശി തരൂരിനെ പങ്കെടുപ്പിച്ച് നടത്താന് തീരുമാനിച്ച സെമിനാറില് നിന്നും യൂത്ത് കോണ്ഗ്രസ് ജില്ലാ കമ്മിറ്റി പിന്മാറിയതിനെ തുടര്ന്നുണ്ടായ വിവാദം കോണ്ഗ്രസിലേക്ക് കത്തിപ്പടരാന് ഇടയായത് ഷാഫി പറമ്ബിലിന്റെ മൗനമാണെന്ന അഭിപ്രായം ഒരു വിഭാഗം കോണ്ഗ്രസ് നേതാക്കള്ക്കിടയില് പോലും ശക്തമാണ്. കഴിഞ്ഞ കുറച്ച് നാളുകളായി തുടരുന്ന ഈ സംഘടനാ അതൃപ്തികള്ക്കൊടുവിലാണ് ഷാഫി പറമ്ബിലിനെതിരെ ദേശീയ നേതൃത്വത്തിന് മുന്നിലേക്ക് പരാതികളെത്തിയത്.