തല തല്ലിത്തകര്ത്തു, മുട്ടുകള് അടിച്ചൊടിച്ചു, ആഴത്തില് മുറിവ്; യുവതിയുടെ മരണം ക്രൂര മര്ദനമേറ്റ് ……
കൊല്ലം): പേരൂര്ക്കട മാനസികാരോഗ്യകേന്ദ്രത്തില് ചികിത്സയിലായിരുന്ന ആയിക്കുന്നം വലിയവീട്ടില് കിഴക്കതില് സ്മിതാകുമാരി മരിച്ചത് ക്രൂരമായ മര്ദനമേറ്റതിനാലാണെന്ന് പോസ്റ്റ്മോര്ട്ടം റിപ്പോര്ട്ട്. പോസ്റ്റ്മോര്ട്ടം നടത്തിയ പോലീസ് സര്ജന് ഡോ. എം.എം.സീമയുടെ റിപ്പോര്ട്ടിലാണ് കൊടിയ മര്ദനമേറ്റതിന്റെ വിവരമുള്ളത്.
കഴിഞ്ഞ നവംബര് 26-ന് വൈകീട്ടാണ് ഇവരെ പേരൂര്ക്കട മാനസികാരോഗ്യകേന്ദ്രത്തില് പ്രവേശിപ്പിച്ചത്. ശ്വാസതടസ്സത്തെ തുടര്ന്ന് സ്മിതയെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചെന്ന് 29-ന് വൈകീട്ട് ആറോടെ ഭര്ത്താവ് ഉണ്ണിക്കൃഷ്ണപിള്ളയെ അറിയിച്ചു. അദ്ദേഹം ബന്ധുക്കളുമായി ആശുപത്രിയിലെത്തിയെങ്കിലും സ്മിതയെ കാണാന് അനുവദിച്ചില്ല.
മരിച്ചശേഷമാണ് അവിടെ എത്തിച്ചതെന്ന് അന്വേഷണത്തില് തെളിഞ്ഞു. തുടര്ന്ന് ബന്ധുക്കള് മെഡിക്കല് കോളേജ് പോലീസില് പരാതി നല്കി. 30-ന് പോസ്റ്റ്മോര്ട്ടം നടത്തി. സംഭവത്തെപ്പറ്റി വിശദമായ അന്വേഷണം നടത്തുമെന്ന് പോലീസ് അറിയിച്ചു.