പൂനെ ഹെലികോപ്റ്റര് അപകടം; മരിച്ചവരില് പൈലറ്റ് ആയിരുന്ന മലയാളിയും, അട്ടിമറി സാധ്യത അന്വേഷിച്ച് പൊലീസ്
പുനെ: മഹാരാഷ്ട്ര പൂനെയിലെ ബവ്ധാനില് ഹെലികോപ്റ്റർ തകർന്ന് ഒരു മലയാളിയടക്കം രണ്ട് പൈലറ്റുമാരും ഒരു എഞ്ചിനീയറും മരിച്ചു.
കൊല്ലം കുണ്ടറ സ്വദേശിയായ ഗിരീഷ് കുമാര് പിള്ളയാണ് മരിച്ച മലയാളി. വ്യോമസേനയിലെ പൈലറ്റ് ആയി വിരമിച്ചതാണ് ഗിരീഷ് പിള്ള. ദില്ലി ആസ്ഥാനമായി പ്രവർത്തിക്കുന്ന ഹെറിറ്റേജ് ഏവിയേഷൻ്റെ ഹെലികോപ്ടറാണ് തകർന്നത്.
രാവിലെ 7.30ന് ഓക്സ്ഫോർഡ് ഗോള്ഫ് ക്ലബിൻ്റെ ഹെലിപാഡില് നിന്നും പറന്നുയർന്ന ഹെലികോപ്റ്റർ മിനിറ്റുകള്ക്കകം തകർന്നു വീഴുകയായിരുന്നു. പ്രദേശത്ത് അപ്പോഴുണ്ടായിരുന്ന മൂടല്മഞ്ഞ് അപകടത്തിലേക്ക് നയിച്ചതെന്നാണ് പ്രാഥമിക നിമഗനം. എംപിയും എന്സിപി നേതാവുമായ സുനില് തത്കരക്ക് സഞ്ചരിക്കാനായി മുംബൈയിലെ ജുഹുവിലേക്ക് വരുന്നതിനിടെയാണ് അപകടമുണ്ടായത്. അതേസമയം, സംഭവത്തില് അട്ടിമറി സാധ്യതയെകുറിച്ചും പൊലീസ് അന്വേഷിക്കുന്നുണ്ട്.