ബംഗാള് ഉള്ക്കടലില് വീണ്ടും ന്യൂനമര്ദ്ദം, കേരളത്തില് മഴ കനക്കും, നാല് ജില്ലകളില് ജാഗ്രത നിര്ദ്ദേശം
തിരുവനന്തപുരം : മധ്യ-പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടതിനാല് കേരളത്തിലെ മഴ സാഹചര്യം മാറുന്നു. ആന്ധ്രാ- ഒറീസ തീരത്തായുള്ള ചക്രവാതച്ചുഴിയാണ് ന്യൂനമര്ദ്ദമായി മാറിയത്. ന്യൂനമര്ദ്ദത്തിന്റെ സ്വാധീനഫലമായി കേരളത്തില് കിഴക്കന് മേഖലകളില് മഴയ്ക്ക് സാധ്യതയെന്നാണ് കാലാവസ്ഥാ വിഭാഗം മുന്നറിയിപ്പ് നല്കുന്നത്. ഇന്ന് 4 ജില്ലകളില് കാലാവസ്ഥാ വിഭാഗം യെല്ലോ അലര്ട്ട് പ്രഖ്യാപിച്ചു. ആലപ്പുഴ, എറണാകുളം, ഇടുക്കി, പാലക്കാട് ജില്ലകളിലാണ് യെല്ലോ അലര്ട്ട്. ഒറ്റപ്പെട്ടയിടങ്ങളില് മഴ കിട്ടിയേക്കുമെന്നാണ് മുന്നറിയിപ്പ്.
സംസ്ഥാനത്തെ വിവിധ ജില്ലകളില് ഇന്നലെയും ഇന്ന് രാവിലെയും കനത്ത മഴ ലഭിച്ചു. കോഴിക്കോട്ടെ ഉറുമി പുഴയില് ഇന്നലെ അപ്രതീക്ഷിതമായി ശക്തമായ മലവെള്ളപ്പാച്ചിലുണ്ടായി. വൃഷ്ടി പ്രദേശത്ത് മഴ കനത്തതോടെ മലമ്ബുഴ ഡാമിന്്റെ ഷട്ടറുകള് തുറന്നിട്ടുണ്ട്. തിരുവനന്തപുരത്ത് പലയിടത്തും ശക്തമായ മഴ ലഭിച്ചു.
നടപ്പാകുമോ പരിഷ്ക്കാരങ്ങള് ? സെക്രട്ടറിയേറ്റ് ഉദ്യോഗസ്ഥ ഭരണ പരിഷ്കാരം നടപ്പാക്കാന് പുതിയ സമിതി
കയ്പമംഗലം വഞ്ചിപ്പുര ബീച്ചില് കടലില് കുളിക്കാനിറങ്ങിയ രണ്ട് പേരെ ഇന്നലെ കാണാതായി. തിരയില്പ്പെട്ട മൂന്ന് പേരെ മത്സ്യത്തൊഴിലാളികള് രക്ഷിച്ചെങ്കിലും രണ്ട് പേരെ കാണാതാവുകയായിരുന്നു. കോഴിക്കോട് ജില്ലയുടെ കിഴക്കന് വനമേഖലയില് വനത്തിനുള്ളില് ശക്തമായ മഴ പെയ്തു. ഉറുമി പുഴയില് മലവെള്ളപ്പാച്ചിലുണ്ടായി. എന്നാല് കിഴക്കന് മേഖലയിലെ ജനവാസ പ്രദേശത്തൊന്നും മഴയുണ്ടായില്ല. വനത്തില് ശക്തമായ മഴയുണ്ടായതോടെ കൂടരഞ്ഞി, അരിപ്പാറപ്പുഴകളില് വെള്ളം കൂടി.
കുടുംബത്തെ ചേര്ത്ത് പിടിച്ചാശ്വസിപ്പിച്ചു; കോടിയേരിക്ക് അന്തിമോപചാരം അര്പ്പിച്ച് ഗവര്ണര്