ത്രിപുര വംശീയ ആക്രമണം; വസ്തുതാന്വേഷണം നടത്തിയ അഭിഭാഷകര്ക്കെതിരെ യു.എ.പി.എ
ന്യൂഡല്ഹി: മുസ്ലിംകള്ക്കെതിരെ ത്രിപുരയില് നടന്ന വംശീയ ആക്രമണത്തിൽ വസ്തുതാന്വേഷണ റിപ്പോർട്ട് തയ്യാറാക്കിയ അഭിഭാഷകർെക്കതിരേ യു.എ.പി.എ ചുമത്തി. പൊലീസ് നിഷ്ക്രിയമായാണ് പ്രവര്ത്തിച്ചതെന്നും അക്രമികൾ സഹായകരമായി പെരുമാറിയെന്നും അന്വേഷണ റിപ്പോർട്ട് ചൂണ്ടിക്കാണിച്ചിരുന്നു. അന്വേഷണ സംഘത്തിലുണ്ടായിരുന്ന രണ്ടുപേർക്കെതിരേയാണ് ത്രിപുര പൊലീസ് യു.എ.പി.എ ചുമത്തിയത്. പീപ്പിള്സ് യൂണിയന് ഫോര് സിവില് ലിബര്ട്ടീസിന്റെ (പി.യു.സി.എല്) ദല്ഹി ആസ്ഥാനമായി പ്രവര്ത്തിക്കുന്ന അഭിഭാഷകന് മുകേഷ്, നാഷണല് കോണ്ഫെഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന്സിന്റെ (എന്.സി.എച്ച്.ആര്.ഒ) അഭിഭാഷകനായ അന്സാര് ഇന്ഡോറി എന്നിവര്ക്കെതിരെ യുഎപിഎ 13-ാം വകുപ്പാണ് ചുമത്തിയിരിക്കുന്നത്.