സിദ്ദിഖ് വധം: അന്വേഷണം ഊര്ജിതമെന്ന് മുഖ്യമന്ത്രി
തിരുവനന്തപുരം: വിദേശത്തുനിന്ന് തിരികെ എത്തിയ കാസർകോട് സ്വദേശി അബൂബക്കര് സിദ്ദീഖിനെ തട്ടിക്കൊണ്ടുപോയി കൊലപ്പെടുത്തിയ സംഭവത്തില് സംഭവത്തിൽ ആറു പ്രതികൾ റിമാന്റിലാണെന്നും മറ്റു പ്രതികളെ തിരിച്ചറിഞ്ഞിട്ടുണ്ടെന്നും മുഖ്യമന്ത്രി. ഇവരുടെ അറസ്റ്റിന് നടപടി ഊര്ജിതപ്പെടുത്തിയിട്ടുണ്ടെന്നും നിയമസഭയിൽ സി.എച്ച്. കുഞ്ഞമ്പുവിന്റെ സബ്മിഷന് മുഖ്യമന്ത്രി മറുപടി നൽകി. അബൂബക്കര് സിദ്ദിഖിന് പ്രതികളില് ചിലരുമായി സാമ്പത്തിക ഇടപാടുകള് ഉണ്ടായിരുന്നതായും ഇതു സംബന്ധിച്ച തകര്ക്കമാണ് കൊലപാതകത്തിലേക്ക് നയിച്ചതെന്നും അറിവായിട്ടുണ്ട്.