150 ദിവസം, 3500 കീമി പദയാത്ര; ഇന്ത്യയുടെ ഹൃദയം തൊടാന് രാഹുല് ഗാന്ധിയുടെ ഭാരത് ജോഡോ യാത്ര, കോണ്ഗ്രസ് പ്രതീക്ഷകള്!
തിരുവനന്തപുരം: കോണ്ഗ്രസ് മുന് അധ്യക്ഷന് രാഹുല്ഗാന്ധി കന്യാകുമാരി മുതല് കാശ്മീര് വരെ നയിക്കുന്ന ഭാരത് ജോഡോ യാത്രയ്ക്ക് ഇന്ന് തുടക്കമാകും. കന്യാകുമാരിയില് സജ്ജമാക്കിയിരിക്കുന്ന പ്രത്യേക വേദിയില് വൈകുന്നേരം അഞ്ചിനാണ് ഔദ്യോഗിക ഉദ്ഘാടനം. കന്യാകുമാരി മുതല് കാശ്മീര് വരെ 5 മാസം നീളുന്ന പദയാത്രയായാണ് ഭാരത് ജോഡോ സംഘടിപ്പിക്കുന്നത്. രാജീവ്ഗാന്ധി വീരമൃത്യുവരിച്ച ശ്രീപെരുമ്ബത്തൂരില് ഇന്ന് രാവിലെ ആദ്യം എത്തി രാഹുല്ഗാന്ധി പ്രാര്ത്ഥന നടത്തും. ഉച്ചയ്ക്ക് തിരുവനന്തപുരം വിമാനത്താവളത്തിലെത്തിയ ശേഷം ഒരു മണിയോടെ ഹെലികോപ്ടറില് കന്യാകുമാരിയിലേക്ക് തിരിക്കും. ശേഷമാകും യാത്രയ്ക്ക് ഔദ്യോഗിക തുടക്കം.
ഇതിനിടെ രാഹുല് ഗാന്ധിക്കെതിരെ പ്രതിഷേധത്തിന് പദ്ധതിയിട്ട ഹിന്ദു മക്കള് കക്ഷി നേതാവ് അര്ജുന് സമ്ബത്ത് തമിഴ്നാട്ടില് അറസ്റ്റില് ഈയി , ദിണ്ടിഗല് റയില്വേ സ്റ്റേഷനില് നിന്നാണ് അര്ജുന് സമ്ബത്തിനെ അറസ്റ്റ് ചെയ്തത് . ഭാരത് ജോഡോ യാത്ര ഉദ്ഘാടനം നടക്കാനിരിക്കുന്ന കന്യാകുമാരിക്ക് പോകാനായിരുന്നു പദ്ധതി . അര്ജുന് സമ്ബത്തിനെ തമിഴ്നാട് പൊലീസ് കരുതല് കസ്റ്റഡിയില് എടുത്തു
കന്യാകുമാരി-കശ്മീര്, 3500 കീമി പദയാത്ര, രാഹുലിനൊപ്പം 118 നേതാക്കള്; ഭാരത് ജോഡോ യാത്ര ചരിത്ര ദൗത്യമെന്ന് കോണ്ഗ്രസ്
യാത്രയില് വിവിധ സംസ്ഥാനങ്ങളിലെ കോണ്ഗ്രസ് പ്രവര്ത്തകരുമായി രാഹുല് സംവദിക്കും. രാജ്യത്ത് ഐക്യം ഉറപ്പിക്കാനെന്ന പേരിലുള്ള യാത്ര ലോക്സഭ തെരഞ്ഞെടുപ്പിന് മുമ്ബ് കോണ്ഗ്രസിനെ ശക്തിപ്പെടുത്തുന്നത് കൂടി ലക്ഷ്യമിട്ടാണ് നടത്തുന്നത്. എഴുത്തുകാര് , ആക്ടിവിസ്റ്റുകള് അടക്കമുള്ള വിവിധ വിഭാഗങ്ങളില്പെട്ടവരും യാത്രയുടെ ഭാഗമാകും. പ്രത്യേകം തെരഞ്ഞെടുത്ത 117 കോണ്ഗ്രസ് നേതാക്കളാണ് രാഹുലിനൊപ്പം 3500 കിലോമീറ്റര് പദയാത്രയ്ക്കൊപ്പം ചേരുന്നത്.
ഇന്ത്യന് രാഷ്ട്രീയ ചരിത്രത്തിലെ ഏറ്റവും വലിയ ദൗത്യം ഏറ്റെടുത്താണ് രാഹുല്ഗാന്ധി യാത്ര തുടങ്ങുന്നതെന്ന് എ ഐ സി സി ജനറല് സെക്രട്ടറി കെ സി വേണുഗോപാല് ഇന്ദിരാഭവനില് നടത്തിയ വാര്ത്താസമ്മേളനത്തില് ഇന്നലെ പറഞ്ഞത്. യാത്രയ്ക്കുള്ള എല്ലാ ഒരുക്കങ്ങളും പൂര്ത്തിയായെന്നും കോണ്ഗ്രസ് പ്രവര്ത്തക സമിതിയിലെ മുഴുവന് അംഗങ്ങളും പരിപാടിയില് പങ്കെടുക്കുമെന്നും അദ്ദേഹം വിവരിച്ചിരുന്നു. മുഖ്യമന്ത്രിമാരും ദേശീയ നേതാക്കളും കന്യാകുമാരിയിലെത്തും. 118 സ്ഥിരം അംഗങ്ങളാണ് രാഹുല്ഗാന്ധിക്കൊപ്പം യാത്രയിലുടനീളം പങ്കെടുക്കുന്നത്. ഓരോ സംസ്ഥാനങ്ങളിലെയും സ്ഥിരം പദയാത്രികരും അണിചേരുമെന്നും വേണുഗോപാല് വ്യക്തമാക്കി. സെപ്റ്റംബര് 7ന് രാവിലെ ഏഴിന് രാജീവ്ഗാന്ധി വീരമൃത്യുവരിച്ച ശ്രീപെരുമ്ബത്തൂരില് എത്തി രാഹുല്ഗാന്ധി പ്രാര്ത്ഥന നടത്തും. ഉച്ചയ്ക്ക് തിരുവനന്തപുരം വിമാനത്താവളത്തിലെത്തിയ ശേഷം ഒരു മണിയോടെ ഹെലികോപ്ടറില് കന്യാകുമാരിയിലേക്ക് തിരിക്കും. വൈകുന്നേരം മൂന്നിന് തിരുവള്ളൂര് സ്മാരകം സന്ദര്ശിക്കുന്ന രാഹുല്ഗാന്ധി, വിവേകാനന്ദ സ്മാരകത്തിലും കാമരാജ് സ്മാരകത്തിലും സന്ദര്ശനം നടത്തും. തുടര്ന്ന് ഗാന്ധിമണ്ഡപത്തിലെത്തി പ്രാര്ത്ഥനാ യോഗത്തില് പങ്കുചേരുമെന്നും വേണുഗോപാല് വിശദീകരിച്ചു.
‘രാജപ്രഭ’യില് നിന്ന് ആദ്യത്തെ അനുഭവമല്ല; പിന്നാലെ പാഞ്ഞ് ബസ് തടഞ്ഞിട്ട സാന്ദ്രയുടെ ധീരതയില് നടപടിയെന്ത്?
യാത്രയില് ഉടനീളം ഉപയോഗിക്കുന്ന ത്രിവര്ണ പതാക ഗാന്ധിമണ്ഡപത്തില് നിന്ന് സ്വീകരിക്കും. കഴിഞ്ഞ എട്ടുവര്ഷത്തിനിടെ രാജ്യം എത്തിച്ചേര്ന്നിരിക്കുന്ന പരിതസ്ഥിതി അതിദയനീയമാണെന്ന് കെ.സി വേണുഗോപാല് പറഞ്ഞു. എല്ലാ മേഖലയിലും ഇന്ത്യ വലിയ വെല്ലുവിളിയാണ് നേരിടുന്ന പശ്ചാത്തലത്തിലാണ് കോണ്ഗ്രസ് ഏറ്റവും വലിയ രാഷ്ട്രീയ ദൗത്യം ഏറ്റെടുത്ത് ഇങ്ങനെയൊരു പദയാത്ര നടത്തുന്നത്. ആറുമാസം കൊണ്ട് 3500ലധികം കിലോമീറ്ററുകള് കാല്നടയായി സഞ്ചരിച്ച് രാഹുല് ഗാന്ധി ജനങ്ങളുമായി സംവദിക്കുന്നത് രാജ്യം അഭിമുഖീകരിക്കുന്ന വെല്ലുവിളികളെ നേരിടാനാണ്. ഇന്ത്യയുടെ സാമ്ബത്തിക രംഗം കൂപ്പുകുത്തി. സാമ്ബത്തിക അസമത്വം കൊടികുത്തി വാഴുന്നു. സമ്ബന്നര് കൂടുതല് സമ്ബത്തുണ്ടാക്കുകയും ദരിദ്രര് കൂടുതല് ദരിദ്രരായി മാറുകയും ചെയ്യുന്ന സ്ഥിതിയാണ്. സാമ്ബത്തിക മേഖലയിലും വലിയ ചേരിതിരിവുണ്ടായി. കേന്ദ്ര സര്ക്കാരിന്റെ വികലമായ സാമ്ബത്തിക നയം രാജ്യത്തെ തകര്ത്തുവെന്നും വേണുഗോപാല് ചൂണ്ടിക്കാട്ടി.