ഡിജിറ്റല് ഇടപാടുകള്ക്കായി ബയോമെട്രിക് ഓതന്റിക്കേഷന് നാളെ മുതല് നടപ്പാക്കുമെന്ന് റിപ്പോര്ട്ട്
മുംബൈ: ആഭ്യന്തര പേയ്മെന്റ് ശൃംഖലയായ യൂണിഫൈഡ് പേയ്മെന്റ്സ് ഇന്റര്ഫേസ് (യുപിഐ) വഴി നടത്തുന്ന പണമിടപാടുകള്ക്ക് മുഖം തിരിച്ചറിയല്, വിരലടയാളം എന്നിവ ഉപയോഗിക്കാൻ നാളെ (ഒക്ടോബര് 8) മുതല് ഉപയോക്താക്കളെ അനുവദിക്കുമെന്ന് റിപ്പോര്ട്ട്.
ഏകീകൃത തിരിച്ചറിയല് സംവിധാനമായ ആധാറില് സൂക്ഷിച്ചിട്ടുള്ള ബയോമെട്രിക് ഡാറ്റ ഉപയോഗിച്ചായിരിക്കും സ്ഥിരീകരണം നടത്തുകയെന്ന് ഇതു സംബന്ധിച്ച വൃത്തങ്ങള് അറിയിച്ചു.
ഇടപാടുകള് സ്ഥിരീകരിക്കുന്നതിന് ബദല് മാര്ഗ്ഗങ്ങള് അനുവദിച്ചുകൊണ്ടുള്ള റിസര്വ് ബാങ്ക് ഓഫ് ഇന്ത്യയുടെ സമീപകാല മാര്ഗ്ഗനിര്ദ്ദേശങ്ങളെ തുടര്ന്നാണ് ഈ നീക്കം. പണമിടപാടുകള് സ്ഥിരീകരിക്കുന്നതിന് ന്യൂമെറിക് പിന് ആവശ്യമുള്ള നിലവിലെ സംവിധാനത്തില്നിന്ന് വലിയ മാറ്റമായിരിക്കും ഇത്.
യുപിഐ പ്രവര്ത്തിപ്പിക്കുന്ന നാഷണല് പേയ്മെന്റ്സ് കോര്പ്പറേഷന് ഓഫ് ഇന്ത്യ മുംബൈയില് നടക്കുന്ന ഗ്ലോബല് ഫിന്ടെക് ഫെസ്റ്റിവലില് പുതിയ ബയോമെട്രിക് സംവിധാനം പ്രദര്ശിപ്പിക്കാന് പദ്ധതിയിടുന്നതായി വൃത്തങ്ങള് പറഞ്ഞു.