ഫെയ്സ്ബുക്കിന്റെ മാതൃകമ്പനി മെറ്റയെ ഭീകര സംഘടനകളുടെ പട്ടികയില് ഉള്പ്പെടുത്തി റഷ്യ
മോസ്കോ: ഫെയ്സ്ബുക്കിന്റേയും ഇന്സ്റ്റാഗ്രാമിന്റേയും മാതൃകമ്പനിയും യുഎസ് ടെക്ക് ഭീമന്മാരുമായ മെറ്റയെ ഭീകര സംഘടനകളുടെ പട്ടികയില് ഉള്പ്പെടുത്തി റഷ്യ. രാജ്യത്തിന്റെ സാമ്പത്തിക ഇടപാടുകള് നിരീക്ഷിക്കുന്ന ഏജന്സിയാണ് മെറ്റയെ ഭീകരവാദ സംഘടനകളുടെ പട്ടികയില് ഉള്പ്പെടുത്തിയത്. നേരത്തെ, ഫെയ്സ്ബുക്കിനും ഇന്സ്റ്റഗ്രാമിനും റഷ്യ നിരോധനം ഏര്പ്പെടുത്തിയുരുന്നു. യുക്രൈന് യുദ്ധത്തിന് പിന്നാലെയാണ് ഫെയ്സ്ബുക്കിനും ഇന്സ്റ്റഗ്രാമിനും റഷ്യ രാജ്യത്ത് നിരോധനമേര്പ്പെടുത്തിയത്.
റഷ്യയില് തീവ്രവാദ പ്രവര്ത്തനം നടത്തിയെന്ന് ആരോപിച്ചുകൊണ്ട് മെറ്റയുടെ ഹര്ജി മോസ്കോ കോടതി തള്ളുകയും ചെയ്തിരുന്നു. റഷ്യന് മാധ്യമങ്ങള്ക്കും വിവര സ്രോതസുകള്ക്കും എതിരെ ഫെയ്സ്ബുക്ക് സ്വീകരിച്ച നടപടികളെ തുടര്ന്നാണ് റഷ്യന് കമ്മ്യൂണിക്കേഷന്സ് ഏജന്സിയായ റോസ്കോമാട്സര് ഫെയ്സ്ബുക്കിന് നിരോധനം ഏര്പ്പെടുത്തിയത്. ഇതിന് മറുപടിയെന്നോണം റഷ്യയില് മറ്റ നടത്തി വന്ന പരസ്യ വിതരണം കമ്പനി നിര്ത്തിവെച്ചിരുന്നു.