തമിഴ്നാട്ടില് ‘സൂപ്പര്സ്റ്റാര്’ സ്റ്റാലിന് തന്നെ; തദ്ദേശ തെരഞ്ഞെടുപ്പും തൂത്തുവാരി ഡിഎംകെ
തമിഴ്നാട്ടിലെ തദ്ദേശ തെരഞ്ഞെടുപ്പ് തൂത്തുവാരി ഭരണകക്ഷിയായ ഡിഎംകെയും സഖ്യകക്ഷികളും. പുതുതായി രൂപീകരിച്ച ഒമ്ബത് ജില്ലകളിലെ തദ്ദേശ സ്വയംഭരണ സ്ഥാപനങ്ങളിലേക്കാണ് തെരഞ്ഞെടുപ്പ് നടന്നത്. പ്രതിപക്ഷമായ എഐഎഡിഎംകെയ്ക്ക് കനത്ത തിരിച്ചടി നേരിടേണ്ടിവന്നു. 2021ലെ നിയമസഭ തെരഞ്ഞെടുപ്പ് ഫലത്തിന്റെ സമാന മുന്നേറ്റമാണ് ഡിഎംകെ തദ്ദേശ തെരഞ്ഞെടുപ്പിലും നടത്തിയത്.
ഉപതെരഞ്ഞെടുപ്പ് നടന്ന 27 വാര്ഡുകളിലും ഭരണമുന്നണി ജയിച്ചു. 140 ജില്ലാ പഞ്ചായത്തു സീറ്റുകളില് 88ലും ഡിഎംകെ ജയിച്ചു. നാല് സീറ്റുകളില് കോണ്ഗ്രസ് ജയിച്ചു. എഐഎഡിഎംകെ നാല് സീറ്റില് ഒതുങ്ങി.
1381 പഞ്ചായത്ത് വാര്ഡുകളില് 300എണ്ണത്തില് ഡിഎംകെ ജയിച്ചു. 11വാര്ഡുകളില് കോണ്ഗ്രസ് ജയിച്ചു. എഐഎഡിഎംകെ 50സീറ്റുകളില് ജയിച്ചു. എഐഎഡിഎംകെയ്ക്കൊപ്പം 2021ലെ നിയമസഭ തെരഞ്ഞെടുപ്പില് സഖ്യമായി മത്സരിച്ച പിഎംകെ ഇത്തവണ ഒറ്റയ്ക്കാണ് മത്സരിച്ചത്.ഇവര് 13സീറ്റ് നേടി.