ആര്എസ്എസ് പ്രവര്ത്തകന്റെ കൊലപാതകം; മലമ്പുഴയില് ഹര്ത്താലിന് ആഹ്വാനം ചെയ്ത് ബിജെപി
മലമ്ബുഴ നിയോജക മണ്ഡലത്തില് ഉച്ചയ്ക്ക് രണ്ടുമണി മുതല് വൈകിട്ട് ആറുമണി വരെ ഹര്ത്താലിന് ആഹ്വാനം ചെയ്ത് ബിജെപി. ആര്എസ്എസ് പ്രവര്ത്തകന്റെ കൊലപാതകത്തില് പ്രതിഷേധിച്ചാണ് ഹര്ത്താല്. എസ്ഡിപിഐ ക്രിമിനലുകളെ സംരക്ഷിക്കുന്ന നിലപാടാണ് സര്ക്കാരിന്റേതെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് കുറ്റപ്പെടുത്തി. എസ്ഡിപിഐയുമായുള്ള സിപിഐഎമ്മിന്റെ ചങ്ങാത്തം വെച്ചുപൊറുപ്പിക്കാനാകില്ല. എസ്ഡിപിഐ അക്രമം തടയാന് സര്ക്കാര് തയ്യാറായില്ലെങ്കില് ബിജെപി അതേ നാണയത്തില് പ്രതിരോധിക്കുമെന്നും കെ സുരേന്ദ്രന് പറഞ്ഞു.
ഇന്ന് രാവിലെ 9 മണിയോടെയാണ് ആര്എസ്എസ് പ്രവര്ത്തകനായ എലപ്പുള്ളി എടുപ്പുകുളം സ്വദേശി സഞ്ജിത്ത് (27)കൊല്ലപ്പെട്ടത്. ഭാര്യയുമായി ബൈക്കില് പോകുമ്ബോള് കാറിലെത്തിയ സംഘം സഞ്ജിത്തിനെ വെട്ടി കൊലപ്പെടുത്തുകയായിരുന്നു. ബൈക്ക് ഇടിച്ചു വീഴ്ത്തി നാല് പേര് ചേര്ന്നാണ് വെട്ടികൊലപ്പെടുത്തിയത്. സഞ്ജിത്തിനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
എസ്ഡിപിഐ പ്രവര്ത്തകരാണെന്നാണ് ബി. ജെ.പി. ആരോപണം. അതേസമയം കൊല്ലപ്പെട്ട സഞ്ജിതിനെതിരെ നിരവധി ക്രിമിനല് കേസുകള് ഉണ്ടെന്ന് പൊലീസ് പറഞ്ഞു.