സുശാന്ത് സിംഗിന്റെ മരണം;
സിബിഐ അന്വേഷണത്തിന് ഉത്തരവിട്ട് സുപ്രീം കോടതി

ന്യൂഡല്ഹി: ബോളിവുഡ് താരം സുശാന്ത് സിംഗ് രജ്പുത്തിന്റെ മരണത്തില് സിബിഐ അന്വേഷണത്തിന് ഉത്തരവിട്ട് സുപ്രീം കോടതി. കേസുമായി ബന്ധപ്പെട്ട എല്ലാ രേഖകളും സിബിഐക്ക് കൈമാറാന് മുംബൈ പോലീസിന് സുപ്രീം കോടതി നിര്ദേശവും നല്കി.
സുശാന്തിന്റെ പിതാവിന്റെ പരാതിയില് ബിഹാര് പോലീസ് രജിസ്റ്റര് ചെയ്ത കേസ് മുംബൈയിലേക്കു മാറ്റണമെന്ന് ആവശ്യപ്പെട്ട് കാമുകി റിയ ചക്രവര്ത്തി സമര്പ്പിച്ച ഹര്ജിയിലാണ് സുപ്രീം കോടതിയുടെ വിധി.
സുശാന്തിനെ നടിയും കുടുംബവും വഞ്ചിച്ചതായും മാനസികമായി പീഡിപ്പിച്ചതായും പിതാവ് പരാതിയില് ചൂണ്ടിക്കാട്ടിയിരുന്നു.സുശാന്തിന്റെ അക്കൗണ്ടില്നിന്ന് കോടികള് തട്ടിയതായും പരാതിയില് പറയുന്നു.