സംസ്ഥാനത്ത് തീവ്രമഴക്ക് സാധ്യതയെന്ന് കാലാവസ്ഥ നിരീക്ഷണകേന്ദ്രം
തിരുവനന്തപുരം: സംസ്ഥാനത്ത് തീവ്രമഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം. ഇന്ന് നാല് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കോട്ടയം, ഇടുക്കി, കണ്ണൂര്, കാസര്കോട് ജില്ലകളിലാണ് ഓറഞ്ച് അലര്ട്ട്. എട്ട് ജില്ലകളില് യെല്ലോ അലര്ട്ടുമുണ്ട്. നാളെ ഇടുക്കി, തൃശൂര്, മലപ്പുറം, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
കേരളതീരത്ത് പടിഞ്ഞാറന് കാറ്റ് വീണ്ടും ശക്തമായതും അറബിക്കടലില് സ്ഥിതിചെയ്തിരുന്ന ഉന്നത മര്ദമേഖല ദുര്ബലമായതുമാണ് സംസ്ഥാനത്ത് വ്യാപക മഴ ലഭിക്കാനുള്ള കാരണം. വെള്ളിയാഴ്ച വരെ വ്യാപക മഴയുണ്ടാകുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
മഴ ശക്തമാകുന്ന സാഹചര്യത്തില് പേപ്പാറ, അരുവിക്കര ഡാമുകളുടെ ഷട്ടറുകള് ഉയര്ത്തി. പേപ്പാറ ഡാമിന്റെ ഷട്ടറുകള് 5 സെന്റി മീറ്റര് വീതവും അരുവിക്കര ഡാമിന്റെ രണ്ട് ഷട്ടറുകള് 50 സെന്റീ മീറ്റര് വീതവുമാണ് ഉയര്ത്തിയത്.