എസ്എഫ്ഐ പ്രവര്ത്തകര് രാഹുല് ഗാന്ധിയുടെ ഓഫീസ് അടിച്ചുതകര്ത്തു; സംഘര്ഷം
കല്പ്പറ്റ : കൈനാട്ടിയിലെ എംപി ഓഫീലേക്ക് നടത്തിയ മാര്ച്ച് അക്രമാസക്തമാകുകയും സംഘര്ഷത്തില് കലാശിക്കുകയുമായിരുന്നു. പ്രവര്ത്തകര് ഓഫീസിനുള്ളിലെ ഫര്ണ്ണിച്ചറുകള് അടക്കം തല്ലിത്തകര്ത്തു.
ഓഫിസിനുള്ളിലേക്ക് ഇരച്ചുകയറിയ പ്രവര്ത്തകര് ബഹളം വെക്കുകയായിരുന്നു. ഈ സമയം ജീവനക്കാര് മാത്രമാണ് ഓഫീസിലുണ്ടായിരുന്നത്. ഫര്ണിച്ചറുകള്ക്കടക്കം കേടുപാടുകള് സംഭവിച്ചു. തുടര്ന്ന് ഓഫീസിന്റെ ഷട്ടര് താഴ്ത്തുകയും പോലീസ് ഇടപെടുകയും ചെയ്തു. ദേശീയ പാതയില് പ്രവര്ത്തകരും പോലീസും തമ്മില് തര്ക്കമുണ്ടായി. വനിതാ പ്രവര്ത്തകര് അടക്കം റോഡില് കുത്തിയിരുന്ന് പ്രതിഷേധിച്ചു.
ബഫര്സോണ് വിഷയത്തില് രാഹുല് ഗാന്ധി എംപി കേന്ദ്ര സര്ക്കാരില് സമ്മര്ദം ചെലുത്തുന്നില്ല എന്ന ആരോപണമാണ് ഇടതുമുന്നണി ഉയര്ത്തുന്നത്. വിഷയത്തില് മുഖ്യമന്ത്രി പിണറായി വിജയന് കത്തയക്കുകയാണ് രാഹുല് ഗാന്ധി ചെയ്തത്. അതില് കാര്യമില്ലെന്നും കാര്യക്ഷമമായി ഇടപെടണം എന്നുമാണ് ഇടതുമുന്നണി ആവശ്യപ്പെടുന്നത്.