വീണ്ടും സ്വര്ണവില കുറഞ്ഞു; രണ്ടുദിവസത്തിനിടെ 320 രൂപ താഴ്ന്നു
കൊച്ചി: തുടര്ച്ചയായ രണ്ടാം ദിവസവും സ്വര്ണവില കുറഞ്ഞു. 160 രൂപ കുറഞ്ഞ് ഒരു പവന് സ്വര്ണത്തിന്റെ വില 36,560 രൂപയായി. ഗ്രാമിന് 20 രൂപ കുറഞ്ഞു. 4570 രൂപയാണ് ഒരു ഗ്രാം സ്വര്ണത്തിന്റെ വില.കഴിഞ്ഞ ദിവസങ്ങളില് മുന്നേറ്റം രേഖപ്പെടുത്തിയ സ്വര്ണവില ഇന്നലെയാണ് ആദ്യമായി താഴ്ന്നത്.
തുടര്ച്ചയായി ആറ് ദിവസം മാറ്റമില്ലാതെ തുടര്ന്ന സ്വര്ണവില ബുധനാഴ്ച വീണ്ടും ഉയര്ന്ന് ഈ മാസത്തെ ഏറ്റവും ഉയര്ന്ന നിലവാരത്തില് എത്തിയിരുന്നു. തുടര്ന്ന് ഇന്നലെ സ്വര്ണവില 160 രൂപ കുറയുകയായിരുന്നു. രണ്ടുദിവസത്തിനിടെ 320 രൂപയാണ് പവന് കുറഞ്ഞത്. ധന വിപണിയില് ആഗോളതലത്തിലുണ്ടായിട്ടുള്ള അനിശ്ചിതത്വം സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് നിക്ഷേപകരെ തിരിയാന് പ്രേരിപ്പിക്കുന്നതായാണ് വിലയിരുത്തല്.