ഫാലി എസ്. നരിമാൻ അന്തരിച്ചു; വിടവാങ്ങിയത് ഏഴ് പതിറ്റാണ്ട് ഭരണഘടനയെ ചേർത്തുപിടിച്ച നിയമജ്ഞൻ

ഡൽഹി: പ്രശസ്ത ഭരണഘടനാ നിയമജ്ഞനും സുപ്രീം കോടതിയിലെ മുതിർന്ന അഭിഭാഷകനുമായ ഫാലി എസ്. നരിമാൻ (95) ബുധനാഴ്ച ഡൽഹിയിൽ അന്തരിച്ചു. ഇന്നലെ രാത്രി ഹൃദയാഘാതത്തെ തുടർന്നായിരുന്നു അന്ത്യം. ഇന്ത്യൻ നീതിന്യായ രംഗത്തെ അതികായനായ അദ്ദേഹത്തെ രാജ്യം പദ്മവിഭൂഷൺ, പദ്മഭൂഷൺ എന്നീ പുരസ്കാരങ്ങൾ നൽകി ആദരിച്ചിട്ടുണ്ട്. രാജ്യസഭയിലെ നോമിനേറ്റഡ് അംഗമായിരുന്നു അദ്ദേഹം. സുപ്രീം കോടതി മുൻ ജ‍‍ഡ്ജി റോഹിങ്ടൺ നരിമാൻ മകനാണ്.

1950 നവംബറിൽ ബോംബെ ഹൈക്കോടതിയിൽ അഭിഭാഷകനായി പ്രാക്ടീസ് ആരംഭിച്ചു. 1961-ൽ മുതിർന്ന അഭിഭാഷകനായി നിയമിതനായി. 70 വർഷത്തോളം അദ്ദേഹം അഭിഭാഷകനായി പ്രവർത്തിച്ചു. 1972 മെയ് മാസത്തിൽ അദ്ദേഹം ബോംബെയിൽ നിന്ന് ഡൽഹിയിലേക്ക് മാറിയപ്പോൾ ഇന്ത്യയുടെ അഡീഷണൽ സോളിസിറ്റർ ജനറലായി നിയമിതനായി. 1972-1975 അഡീഷണൽ സോളിസിറ്റർ ജനറൽ ആയിരുന്നു. അടിയന്തരാവസ്ഥ പ്രഖ്യാപിച്ചപ്പോൾ പദവി രാജിവെച്ചു.

മുതിർന്ന നിയമജ്ഞന് 1991 ജനുവരിയിൽ പത്മഭൂഷണും 2007ൽ പത്മവിഭൂഷണും ലഭിച്ചു. 1991 മുതൽ 2010 വരെ ബാർ അസോസിയേഷൻ ഓഫ് ഇന്ത്യയുടെ പ്രസിഡൻ്റും, 1989 മുതൽ 2005 വരെ ഐസിസി (ഇൻ്റർനാഷണൽ ചേംബർ ഓഫ് കൊമേഴ്‌സ്) പാരീസിലെ ഇൻ്റർനാഷണൽ കോർട്ട് ഓഫ് ആർബിട്രേഷൻ്റെ വൈസ് ചെയർമാനും, ഇൻ്റർനാഷണൽ കൗൺസിൽ ഫോർ കൊമേഴ്‌സ്യൽ ആർബിട്രേഷൻ്റെ പ്രസിഡൻ്റുമായിരുന്നു നരിമാൻ. മറ്റ് പ്രമുഖ പദവികൾ വഹിക്കുന്നതിന് പുറമെ 1995 മുതൽ 1997 വരെ ജനീവയിലെ ഇൻ്റർനാഷണൽ കമ്മീഷൻ ഓഫ് ജൂറിസ്റ്റുകളുടെ എക്സിക്യൂട്ടീവ് കമ്മിറ്റി ചെയർമാനായും പ്രവർത്തിച്ചു.

ഇന്ത്യൻ എക്സ്പ്രസിന് നൽകിയ അഭിമുഖത്തിൽ ഭരണഘടനയുടെ അടിസ്ഥാന സവിശേഷതകളിൽ മാറ്റം വരുത്താനുള്ള പാർലമെൻ്റിൻ്റെ അധികാരത്തെ നിയന്ത്രിക്കുന്ന “അടിസ്ഥാന ഘടന” സിദ്ധാന്തത്തിൻ്റെ 50ാം വർഷത്തിൽ, സുപ്രീം കോടതി ഈ സിദ്ധാന്തത്തെ എങ്ങനെ സംരക്ഷിക്കുമെന്ന് നരിമാൻ പറഞ്ഞിരുന്നു.

“എനിക്ക് ഇപ്പോഴും ജഡ്ജിമാരിൽ വിശ്വാസമുണ്ട്. അവരെ എങ്ങനെയാണ് നിയമിച്ചതെന്നത് പ്രശ്നമല്ല, എന്തിനാണ് അവരെ നിയമിക്കുന്നത്? പാർലമെൻ്റ് ജുഡീഷ്യൽ അവലോകനത്തിനും ജുഡീഷ്യറിയുടെ സ്വാതന്ത്ര്യത്തിനും ഇടനൽകുമ്പോൾ, ഒരു ഭേദഗതി ഇല്ലാതാക്കാനുള്ള പരീക്ഷണമാണ് ജുഡീഷ്യറി കൂടുതലും നടത്തിയത്. ആയതിനാൽ ജുഡീഷ്യറി അടിസ്ഥാന ഘടനാപരമായ സിദ്ധാന്തത്തെ ദുർബലപ്പെടുത്തില്ലെന്ന് തനിക്ക് ഉറപ്പുണ്ട്,” നരിമാൻ പറഞ്ഞു.