വോട്ടര് പട്ടികയില് പേര് ചേർക്കാനുള്ള അവസാന ദിവസം നാളെയാണ്; പേര് ചേർത്തിട്ടില്ലാത്തവർ അവസരം നഷ്ടപ്പെടുത്തരുത്
തിരുവനന്തപുരം: വോട്ടര് പട്ടികയില് ഇതുവരെ പേര് ചേര്ത്തിട്ടില്ലാത്തവര്ക്ക് ഇനി ഒരുനാള് കൂടി അവസരം. നാമനിര്ദേശ പത്രിക സമര്പ്പിക്കാനുള്ള അവസാന തീയതിയുടെ പത്തുദിവസം മുമ്പുവരെയാണ് വോട്ടര് പട്ടികയില് പേര് ചേര്ക്കാന് അവസരം ലഭിക്കുക. മാര്ച്ച് 25 വരെ പട്ടികയില് പേര് ചേര്ക്കാനാവും.18 വയസ് തികഞ്ഞ ഏതൊരു ഇന്ത്യന് പൗരനും തെരഞ്ഞെടുപ്പ് കമ്മിഷന്റെ പോര്ട്ടല് വഴിയോ, വോട്ടര് ഹെല്പ് ലൈന് ആപ് ഉപയോഗിച്ചോ, ബൂത്ത് ലെവല് ഓഫീസര്മാര് വഴിയോ വോട്ടര് പട്ടികയില് പേര് ചേര്ക്കാം തെരഞ്ഞെടുപ്പ് കമ്മിഷന്റെ പോര്ട്ടല് വഴി അപേക്ഷിക്കുന്നവര് മൊബൈല് നമ്പര് നല്കി പുതിയ അക്കൗണ്ട് സൃഷ്ടിച്ച് ലോഗിന് ചെയ്ത് വേണം തുടര്നടപടികള് ചെയ്യാന്. ഇംഗ്ലീഷിലോ മലയാളത്തിലോ അപേക്ഷ എന്ട്രികള് പൂരിപ്പിക്കാന് കഴിയും.