കാഞ്ഞങ്ങാട് സൗത്തില്‍ നിയന്ത്രണം വിട്ട ടാങ്കര്‍ ലോറി മറിഞ്ഞു
കാസർകോട്: കാഞ്ഞങ്ങാട് സൗത്തിൽ നിയന്ത്രണം വിട്ട ടാങ്കർ ലോറി മറിഞ്ഞു. കൊവ്വൽ സ്റ്റോർ റോഡ് മേൽ പാലത്തിന് സമീപത്തെ സർവീസ് റോഡിലാണ് ടാങ്കർ ലോറി മറിഞ്ഞത്. ദിശ തെറ്റി വന്ന ബസിന് സൈഡ് കൊടുക്കുമ്പോഴാണ് അപകടം. വ്യാഴാഴ്‌ച ഉച്ചയ്ക്ക് ഒരു മണിയോടെയാണ് സംഭവം. മംഗളൂരുവിൽ നിന്നും കോയമ്പത്തൂരിലേക്ക് എച്ച്.പി ഗ്യാസുമായി പോകുവായിരുന്ന ലോറിയാണ് അപകടത്തിൽപ്പെട്ടത്. ഗ്യാസ് ലീക്ക് ഇല്ലാത്തത് വൻ ദുരന്തം ഒഴിവായി. വിവരമറിഞ്ഞ് ഹൊസ്‌ദുർഗ് പൊലീസും ഫയർഫോഴ്‌സും സ്ഥലത്തെത്തി. അപകട സ്ഥലത്തിന് പരിസരത്തുള്ള വീട്ടുകാരോട് ലോറിയെ മാറ്റുന്നതുവരെ മാറി നിൽക്കാൻ പൊലീസ് നിർദേശിച്ചു.