99 ലക്ഷ്യസ്ഥാനങ്ങളിലേക്ക് പ്രീമിയം ഇക്കണോമി സര്വീസ് ഒരുക്കാൻ എമിറേറ്റ്സ്
ദുബൈ: യാത്രക്കാർക്ക് കൂടുതൽ സൗകര്യം നൽകാനായി നവീകരണ പരിപാടിയുമായി എമിറൈറ്റ്സ്. 2026 അവസാനത്തോടെ 99 ലക്ഷ്യസ്ഥാനങ്ങളിലേക്ക് പ്രീമിയം ഇക്കണോമി സർവീസ് ലഭ്യമാക്കും. നവീകരിച്ച നിരവധി വിമാനങ്ങൾ ഈ വർഷം പുറത്തിറക്കും.
നവീകരിച്ച ആദ്യ A380 ഏപ്രിൽ 14 ന് സർവീസ് ആരംഭിക്കും. നവംബറോടെ 15 ടു-ക്ലാസ് A380 വിമാനങ്ങൾ ത്രീ-ക്ലാസ് ലേഔട്ടിലേക്ക് മാറ്റും. ഇക്കണോമി ക്യാബിനുകളിൽ കൂടുതൽ ശേഷി നിലനിർത്തിക്കൊണ്ട് പ്രീമിയം സീറ്റ് ലഭ്യത വർധിപ്പിക്കും. 76 ബിസിനസ് ക്ലാസ് സീറ്റുകൾ, 56 പ്രീമിയം ഇക്കണോമി സീറ്റുകൾ, 437 ഇക്കണോമി ക്ലാസ് സീറ്റുകൾ എന്നിങ്ങനെയായിരുന്നു ക്രമം.