കോവിഡ് മയ്യിത്ത് പരിപാലനത്തിൽ കർമ്മനിരതനായി ഗുരുക്കൾ അഷ്റഫ് സഅദി

കോവിഡ് രോഗികളുമായി ഇടപഴകുന്നതും
സാമീപ്യം പുലർത്തുന്നതും
പലരിലുംആശങ്കയും ഭീതിയുമുളവാക്കുമ്പോഴും ഗുരുക്കൾ
ആരിക്കാടിഅഷറഫ് സഅദി തന്റെ ദൗത്യ നിർവ്വഹണത്തിൽ കർമ്മ നിരതനാവുകയാണ്.

കോവിഡ് എന്ന് കേൾക്കുമ്പോൾ പേടിപ്പെടുത്തുന്ന പല കാര്യങ്ങളിലും സഅദി സജീവം ,സുസജ്ജം.
രോഗിയോട് അറപ്പും
നീരസവുംകാണിക്കയല്ല വേണ്ടത് പ്രത്യുത, കാരുണ്യവും സമാശ്വാസ സ്പർശവുമാണ് നൽകേണ്ടത്. രോഗി ആരോഗ്യവനാവാൻ പ്രഥമ മരുന്ന് ഇത് തന്നെയാണ് ഗുരുക്കൾ സഅദി പറയുന്നു.

രോഗ
ചികിത്സയിൽ വേണ്ടുന്ന കാര്യങ്ങളിൽ സജീവമായി ഇടപ്പെടുന്നു.
രോഗികളായി കഴിയുന്നവരെ
പരിചരിക്കുക
അവർക്ക് സാന്ത്വനമേകുക
യാത്രാ സൗകര്യങ്ങൾ ഏർപ്പെടുത്തി കൊടുക്കുക രോഗികളുടെ
കുടുംബാംഗങ്ങക്ക്
ഭക്ഷണവിഭവങ്ങൾ എത്തിച്ചു കൊടുക്കുക
തുടങ്ങിവയിലെല്ലാം
സജീവമാവുന്നതോടൊപ്പം കോവിഡ് രോഗികളായി മരണപ്പെട്ട് പോകുന്നവരുടെ
മയ്യിത്ത് പരിപാലിക്കുന്നതിലും
സദാ സജീവമാണ്.

ഇയ്യിടെ അമ്പതിലേറെ കോവിഡ് ബാധിച്ച് മരിച്ചവരുടെ
മയ്യിത്തുകൾ പരിപാലിക്കുന്നതിൽ സഅദിസജീവമായി നേതൃത്വം നൽകി.
ജില്ലയുടെ പലയിടങ്ങളിലെ
ഒറ്റപ്പെട്ട ഇടങ്ങളിൽ പോലും ഓടിയെത്തി കൃത്യം നിർവ്വഹിക്കുന്നു.
മയ്യിത്ത് ഇസ് ലാമികാചാരപ്രകാരം പരിപാലിക്കുകയും തുടർ കാര്യങ്ങളിലെല്ലാം
സജീവമായി പങ്കാളിത്തം വഹിക്കുകയും ചെയ്യുന്നു. ആദ്യ ഘട്ടത്തിൽ സഹായികളായി ചെന്നാർ അബ്ദുൽ റഹ്മാൻ മുസ്‌ലിയാർ ഹസൻ അഹ്സനി കുബണൂർ സി.എം മൊയ്തു ഹാജി ശാഫി സഅദി ശിറിയ കൂടെ യുണ്ടായിരുന്നു.ഇത്തരം
കാര്യങ്ങൾക്ക്
കർമ്മോൽസുകതയും മനക്കരുത്തും കർത്തവ്യ ബോധവും ആത്മാർത്ഥതയും നൽകുന്നത് താൻ അംഗത്വം സ്വീകരിച്ച സുന്നി സംഘടന തന്നെയാണ് .അഷ്റഫ് സഅദി പറയുന്നു.

ജാമിഅ സഅദിയ്യയിൽ 1989 മുതൽ സ്കൂൾ-മദ്രസാ തലത്തിൽപഠിച്ച് വളർന്ന് ബിരുദം സ്വീകരിച്ച അഷ്റഫ് സഅദി കായിക ഭ്യാസരംഗത്തും
കളരി മർമ്മ ചികിൽസാ മേഖലകളിലും ജില്ലയിൽ അറിയപ്പെട്ട താരവും
വ്യക്തിത്വമാണ്. സംസ്ഥാന – ജില്ല രംഗത്തും കേരളോൽസവത്തിലും കളരിപ്പയറ്റിൽ ചാമ്പ്യൻഷിപ്പ് നേടിയിട്ടുണ്ട്.
കായികാഭ്യാസത്തിൽ പലയിടങ്ങളിലും ഉന്നത മികവാണ് സഅദി തെളിയിച്ചത്. ഇപ്പോൾ എസ് വൈ എസ് ജില്ലാ സാന്ത്വനം ഡയറക്ടറേറ്റ് അംഗവും. സുന്നി ജംഇയത്തുൽ മുഅല്ലിമീൻ ജില്ലാ പ്രസിഡന്റുമായി പ്രവർത്തിക്കുന്നു.

🖋️ അബൂബക്കർ സഅദി നെക്രാജെ