ഇരുട്ടടിയായി ഇന്ധനവില; പെട്രോള്-ഡീസല് വില ഇന്നും കൂടി, തിരുവനന്തപുരത്ത് പെട്രോള് വില 100 കടന്നു
തിരുവനന്തപുരം: രാജ്യത്ത് ഇന്ധന വില ഇന്നും കൂട്ടി. പെട്രോളിന് 35 പൈസയും ഡീസലിന് 37 പൈസയുമാണ് ഇന്ന് കൂട്ടിയത്. തിരുവനന്തപുരത്തിനും ഇടുക്കിക്കും പിന്നാലെ കാസര്കോടും പെട്രോള് വില നൂറ് കടന്നു. തിരുവനന്തപുരം നഗരത്തില് ഒരു ലിറ്റര് പെട്രോളിന് 100 രൂപ 15 പൈസയും ഡീസലിന് 95 രൂപ 99 പൈസയുമാണ് പുതിയ വില. കൊച്ചിയില് പെട്രോളിന് 98.21 രൂപയും ഡീസലിന് 95.16 രൂപയുമാണ് ഇന്നത്തെ വില. കോഴിക്കോട് പെട്രോളിന് 98.58 രൂപയും ഡീസലിന് 93.80 രൂപയുമാണ്.
കേരളമടക്കമുള്ള സംസ്ഥാനങ്ങളിലെ നിയമസഭാ തെരഞ്ഞെടുപ്പ് കഴിഞ്ഞതിന് പിന്നാലെയാണ് രാജ്യത്തെ ഇന്ധനവില വീണ്ടും ഉയര്ന്നത്. അഞ്ച് സംസ്ഥാനങ്ങളിലെ തെരഞ്ഞെടുപ്പ് പ്രക്രിയ ആരംഭിച്ചത് മുതല് എണ്ണകമ്ബനികള് ഇന്ധനവില കൂട്ടിയിരുന്നില്ല.
ഫലപ്രഖ്യാപനം വന്നതോടെ വീണ്ടും വിലവര്ധന തുടങ്ങിയിരിക്കുകയാണ്. കഴിഞ്ഞ ആറ് മാസത്തിനിടെ 56 തവണയാണ് ഇന്ധന വില കൂട്ടിയത്. ഒരു വര്ഷത്തിനിടെ പെട്രോളിന് 27 രൂപയും ഡീസലിന് 28 രൂപയും കൂട്ടി. ഈ മാസം മാത്രം 15 തവണ വിലകൂട്ടിയത്. കേരളത്തിലെ പെട്രോള് വില ഒരു വര്ഷത്തില് 2020 മാര്ച്ച് 71 രൂപ 2020 ജൂണ് 72 രൂപ 2020 ജൂലൈ 80 രൂപ 2020 ഡിസംബര് 84 രൂപ 2021 ഫെബ്രുവരി 86 രൂപ 2021 മാര്ച്ച് 91 രൂപ 2020 ജൂണ് 100 രൂപ