കേരളത്തില് വേനല്മഴ കനക്കും; ഇതുവരെ ലഭിച്ചത് 121% അധിക വേനല്മഴ
ന്യൂഡല്ഹി: കേരളത്തില് വേനല് മഴ വീണ്ടും ശക്തമാകുമെന്ന് കേന്ദ്ര കാലാവസ്ഥാ വകുപ്പ്. സംസ്ഥാനത്ത് ആകെ മഴയുണ്ടാകുമെങ്കിലും പശ്ചിമഘട്ടത്തിനോട് ചേര്ന്ന പ്രദേശങ്ങളില് ശക്തമായ മഴ പെയ്യും.
121% അധിക വേനല് മഴയാണ് ഈ വര്ഷം ഇതുവരെ കേരളത്തില് ലഭിച്ചിട്ടുള്ളതെന്ന് ഐ.എം.ഡിയിലെ മുതിര്ന്ന ശാസ്ത്രജ്ഞന് ഡോ. ആര്.കെ ജനമണി മാതൃഭൂമി ന്യൂസിനോട് പറഞ്ഞു.
121% അധിക വേനല് മഴയെന്നത് സാധാരണയിലും ഉയര്ന്ന അളവാണ്. അടുത്ത രണ്ടുമൂന്ന് ദിവസങ്ങളില് മഴ കുറഞ്ഞാലും പിന്നീടുള്ള ദിവസങ്ങളില് മഴ കനക്കും. ഇരുപതാം തീയതിക്കുശേഷം കേരളത്തിലാകമാനം മഴപെയ്യും. പശ്ചിമഘട്ടത്തിനോട് ചേര്ന്നുള്ള ജില്ലകളില് കനത്ത മഴ ലഭിക്കുമെന്നും ഡോ. ജനമണി മാതൃഭൂമി ന്യൂസിനോട് പറഞ്ഞു.