സംസ്ഥാനത്തെ ബസ്, ഓട്ടോ, ടാക്സി നിരക്ക് വര്ധിപ്പിച്ചു
തിരുവനന്തപുരം: സംസ്ഥാനത്തെ ബസ്-ടാക്സി നിരക്ക് വര്ധിപ്പിക്കാന് മന്ത്രിസഭായോഗം അംഗീകാരം നല്കി. ബസിന്റെ മിനിമം ചാര്ജ് 10 രൂപയായും ഓട്ടോ ചാര്ജ് മിനിമം 30 രൂപയായും വര്ധിപ്പിച്ചു. ടാക്സിക്ക് അഞ്ചുകിലോമീറ്ററിന് 200 രൂപയാക്കി.
നിരക്ക് വര്ധിപ്പിക്കാനുള്ള രാമചന്ദ്രന് കമ്മിറ്റിയുടെ റിപ്പോർട്ടിനാണ് മന്ത്രിസഭായോഗം അംഗീകാരം നല്കിയത്.
മേയ് ഒന്നുമുതല് നിരക്ക് വര്ധിപ്പിക്കാനാണ് ആലോചന. ജസ്റ്റിസ് രാമചന്ദ്രൻ കമ്മീഷൻ ശുപാർശ പ്രകാരം മാർച്ച് 30 ന് ചേർന്ന എൽഡിഎഫ് യോഗം നിരക്ക് വർദ്ധനക്ക് അനുകൂലമായി തീരുമാനമെടുത്തിരുന്നു.