ബാപ്പാനെ കുറ്റം പറയാന് പറ്റില്ല, ബിരിയാണിച്ചെമ്പ് വരുമ്പോള് ആരായാലും പുറത്ത് പോവില്ല
മലപ്പുറം: സ്വര്ണക്കടത്തു കേസിലെ പ്രതി സ്വപ്ന സുരേഷിന്റെ വെളിപ്പെടുത്തലില് മുന് മന്ത്രി കെ.ടി.ജലീലിന്റെ പ്രതികരണത്തിന് മറുപടിയുമായി യൂത്ത് ലീഗ് സംസ്ഥാന ജനറല് സെക്രട്ടറി പി.കെ.ഫിറോസ്. ‘ബാപ്പാനെ കുറ്റം പറയാന് പറ്റില്ല. സന്തോഷ് ട്രോഫി ഫൈനലും പെരുന്നാള് തലേന്നും ഒരുമിച്ച് വന്നാലും കോണ്സുലേറ്റില് നിന്ന് വീട്ടിലേക്ക് ‘ബിരിയാണിച്ചെമ്പ്’ വരുന്ന ദിവസം ആരായാലും പുറത്ത് പോവില്ല’.- ഫിറോസ് ഫെയ്സ്ബുക്കില് കുറിച്ചു.
സ്വപ്ന സുരേഷ് എറണാകുളം ജില്ലാ കോടതിയിലെത്തി മൊഴി നല്കിയതിന് പിന്നാലെ പരോക്ഷ പരിഹാസവുമായി മുന്മന്ത്രി കെ.ടി.ജലീല് രംഗത്തെത്തിയിരുന്നു. ”സന്തോഷ് ട്രോഫി ഫൈനലും പെരുന്നാള് തലേന്നും ഒപ്പം വന്നിട്ട് വാപ്പ കളി കാണാന് പോയിട്ടില്ല. എന്നിട്ടല്ലേ ഇപ്പോ..”, എന്നാണ് അദ്ദേഹം ഫെയ്സ്ബുക്കില് കുറിച്ചത്.
സ്വപ്ന സുരേഷ് കോടതിയില് രഹസ്യമൊഴി നല്കിയതിന് പിന്നാലെ മുഖ്യമന്ത്രിക്കും കെ.ടി. ജലീലിനും എതിരേ വെളിപ്പെടുത്തലും നടത്തിയിരുന്നു. സ്വര്ണക്കടത്തിലും ഡോളര്ക്കടത്തിലും മുഖ്യമന്ത്രി പിണറായി വിജയന്, മുന് പ്രിന്സിപ്പല് സെക്രട്ടറി എം.ശിവശങ്കര്, മുഖ്യമന്ത്രിയുടെ ഭാര്യ കമല, മകള് വീണ, മുഖ്യമന്ത്രിയുടെ പ്രൈവറ്റ് സെക്രട്ടറിയായിരുന്ന സിഎം രവീന്ദ്രന്, മുന്മന്ത്രി കെ.ടി.ജലീല്, നളിനി നെറ്റോ എന്നിവരുടെ ഇടപെടലും ഇവര് എന്തൊക്കെ ചെയ്തെന്നുമുള്ളതാണ് രഹസ്യമൊഴിയായി നല്കിയിരിക്കുന്നതെന്നും സ്വപ്ന പറഞ്ഞിരുന്നു.