അഗ്നിപഥ് സമരം: പിന്നില് ഇടത്-ജിഹാദി-അര്ബന് നക്സലുകള് -കെ. സുരേന്ദ്രന്
കോട്ടയം: അഗ്നിപഥിനെതിരായ സമരം നടത്തുന്നത് നരേന്ദ്രമോദി സര്ക്കാരിനെ കണ്ണടച്ച് എതിര്ക്കുന്നവരാണെന്നും ഇത് അവരുടെ സ്ഥിരം കലാപരിപാടിയാണെന്നും ബിജെപി സംസ്ഥാന അധ്യക്ഷന് കെ.സുരേന്ദ്രന്.അഗ്നിപഥ് പദ്ധതി രാജ്യത്തെ യുവാക്കളുടെ പ്രതീക്ഷയാണ്. ഇടത്-ജിഹാദി-അര്ബന് നക്സല് ഗ്യാംങ്ങിന്റെ നേതൃത്വത്തിലുള്ള സമരമാണ് ഇപ്പോള് രാജ്യത്ത് നടക്കുന്നത്. ഇവര് ബ്രേക്ക് ഇന്ത്യാ ബ്രിഗേഡ് ടീം ആണ് -സുരേന്ദ്രന് പറഞ്ഞു.
രാജ്യത്തെ ക്യാമ്ബസുകളിലും തെരുവുകളിലും ഇന്ത്യാവിരുദ്ധ സമരം നടത്തി പരാജയപ്പെട്ടവരാണിവര്. തിടുക്കപ്പെട്ടാണ് അഗ്നിപഥ് നടപ്പാക്കിയതെന്ന പ്രചരണം ശരിയല്ലെന്നും കോട്ടയത്ത് അദ്ദേഹം പറഞ്ഞു.
കഴിഞ്ഞ രണ്ട് വര്ഷമായി ബൃഹത്തായ ചര്ച്ചകള്ക്ക് ശേഷമാണ് പദ്ധതി നടപ്പിലാക്കിയത്. സമരക്കാരോട് കേന്ദ്ര സര്ക്കാരിന് തുറന്ന സമീപനമാണ് ഉള്ളത്. അതുകൊണ്ടാണ് ഈ വര്ഷം പ്രായപരിധി ഉയര്ത്തിയത്. സംസ്ഥാന ഫോഴ്സുകളിലും അര്ദ്ധ സൈനിക ഫോഴ്സുകളിലും അഗ്നിവീരന്മാര്ക്ക് സംവരണം ലഭിക്കുമെന്നും സര്ക്കാര് അറിയിച്ചിട്ടുണ്ട്. ചില ആര്മി റിക്രൂട്ട്മെന്റ് ഏജന്സി നടത്തിപ്പുകാര്ക്ക് മാത്രമേ അഗ്നിപഥ് കൊണ്ട് ബുദ്ധിമുട്ടുണ്ടാവുകയുള്ളൂ.
കഴിഞ്ഞ രണ്ട് ലോക കേരള സഭകളും ചാപിള്ളകളായിരുന്നുവെന്ന് സുരേന്ദ്രന് പറഞ്ഞു. ലോക കേരള സഭയുടെ ഭാഗമായി ഒരു നിക്ഷേപവും കേരളത്തില് വന്നിട്ടില്ല. മലയാളി സമൂഹത്തിന് ലോക കേരള സഭ എന്തെങ്കിലും സംഭാവന ചെയ്തിട്ടുണ്ടെങ്കില് അത് സ്പീക്കറും അതിന്റെ വക്താക്കളും ജനങ്ങളോട് പറയണമെന്നും സുരേന്ദ്രന് ആവശ്യപ്പെട്ടു.