പുതിയ വിലക്ക് ! പാര്ലമെന്റ് വളപ്പില് പ്രതിഷേധമോ ധര്ണ്ണയോ സത്യഗ്രഹമോ പാടില്ല
ദില്ലി: പാര്ലമെന്റില് അഴിമതിയടക്കം അറുപതിലേറെ വാക്കുകള് ഉപയോഗിക്കുന്ന വിലക്കിയ നടപടിക്ക് പിന്നാലെ അടുത്ത വിലക്ക്
പാര്ലമെന്റ് വളപ്പില് പ്രതിഷേധമോ ധര്ണ്ണയോ സത്യഗ്രഹമോ പാടില്ലെന്നാണ് പുതിയ ഉത്തരവ്. സെക്രട്ടറി ജനറലിറേതാണ് പുതിയ ഉത്തരവ്.
അഴിമതി, അഴിമതിക്കാരന്, സ്വേച്ഛാധിപതി, നാട്യക്കാരന്, മന്ദബുദ്ധി, കൊവിഡ് പരത്തുന്നവന്, ഖലിസ്ഥാനി, വിനാശ പുരുഷന് തുടങ്ങി അറുപതിലേറെ വാക്കുകളെ പാര്ലമെന്റിന് ഉള്ളില് ഉപയോഗിക്കുന്നതില് നിന്നും വിലക്കിയിരുന്നു. ലോക് സഭയിലും, രാജ്യസഭയിലും ഈ വാക്കുകള് ഉപയോഗിക്കരുതെന്നാണ് നിര്ദ്ദേശം. അണ്പാര്ലമെന്ററി പട്ടികയില് ഉള്പ്പെടുത്തിയിരിക്കുന്ന വാക്കുകള് ഉപയോഗിച്ചാല് രേഖകളില് നിന്ന് നീക്കം ചെയ്യും. ലോക്സഭ സ്പീക്കറുടെ പുതിയ ഉത്തരവ് തള്ളി പ്രതിപക്ഷം വലിയ പ്രതിഷേധം ഉയര്ത്തുന്നതിനിടെയാണ് പാര്ലമെന്റ് വളപ്പില് പ്രതിഷേധമോ ധര്ണ്ണയോ സത്യഗ്രഹമോ പാടില്ലെന്ന പുതിയ ഉത്തരവ്.